హలకులిశాంకుశధ్వజ శరాసన శంఖ రథాంగకల్పకో
జ్జ్వల జల జాత రేఖలను సాంకములై కనుపట్టుచున్న మీ
కలిత పదాంబుజ ద్వయము గౌతమ పత్ని కొసంగినట్లు నా
తలఁపున ఁ జేర్చి కావఁగదె దాశరథీ కరుణాపయోనిధీ!

అండజవాహ, నిన్ను హృదయంబున నమ్మిన వారి పాపముల్
కొండల వంటి వైన వెసఁగూలి నశింపక యునె్న సంతతా
ఖండల వైభవోన్నతులు గల్గక మానునె ? మోక్షలక్ష్మికై
దండ యొసంగకునె్న తుద, దాశరథీ కరుణాపయోనిధీ

రామ హరే కకుత్థ్స కుల రామ హరే రఘురామ రామ శ్రీ
రామ హరే యటంచు మది రంజిల భేకగళంబు లీల నీ
నామము సంస్మరించిన జనంబు భవంబెడబాసి తత్పరం
ధామని వాసులౌదురఁట దాశరథీ కరుణాపయోనిధీ!

భావం: ఓ దశరథరామా! హరే, కాకుత్థ్స రామా, రఘురామా, శ్రీరామా, హరే అనేవి నీపేర్లు ఈ నామములను మానవులు కప్పగొంతువలె మాటి మాటికి తలంచువారు ఇంక జన్మములు ఎత్తే అవస్థను దాటి పరమ పదమందు నివసిస్తారట

* రాముఁడు ఘోరపాతకవిరాముఁడు సద్గుణ కల్పవల్లికా
రాముఁడు, షడ్వికారజయరాముఁడు సాధు జనావనవ్రతో
ద్దాముఁడు, రాముడే పరమదైవము మాకని మీయడుంగుఁగె
దామరలే భజించెదను, దాశరథీ కరుణాపయోనిధీ