లలితనికేతన ప్రియ విలాసవతీ ధవళాత పత్రస
ద్ద్విలసిత వైభవంబనుభవింపబడున్ సుకృతాను వృత్తిచే
జెలువగు పుణ్యకర్మము నశించిన నంగజ సంగరత్రుట
త్కలిత గుణోరు వౌక్తిక నికాయములట్లు దొలంగు సంపదల్

శిథిలత లేని భక్తి నతి సేయుదు వేల్పుల కాసుపర్వులున్
విధివశ్వర్తు, లావిధియు విశ్రుత కర్మ ఫల ప్రదాత, య
య్యధిక ఫలంబు కర్మవశ, మట్లగుటం బనియేమి వారిచే
విధి కధికంబు కకర్మమని వేమఱు మ్రొక్కి భజించు కర్మమున్

రమ్యరూపంబు విద్యయు రాజసేవ
కులము శీలంబు జాలవు ఫలమొసంగ
బూర్వ పుణ్య సంచిత భాగ్యములు ఫలించు
గాలమున బనసాది వృక్షముల కరణి

భావము: పురుషునికి అందమైన రూపం కానీ, చదువు కానీ, రాజుసేవ కానీ, మంచి నడవడి కానీ ఫలితాన్ని ఇవ్వవు. అతడు పూర్వజన్మలో చేసుకున్న పుణ్యంవల్ల సమకూర్చుకున్న భాగ్యమే పనసాది వృక్షాలవలె కాలం వచ్చినపుడు ఫలితాన్ని ఇస్తుంది. కనుక తప్పక పుణ్యకర్మలనాచరించాలి.

ఎవ్వనికి నిజ్జగంబున నెంత ఫలము
దైవకృతమగునది వొందు దప్పకతని
గారణము గాదు పెనుబ్రాపు ఘనునిజేరు
చాతకము వాతబడు నల్పజలకణములు