S ,7 à 8 RSCA (si SASPAS) et 6 cialis pharmacie cialis rapports de stage.
నేర్చుకుందాం
ధర ఖర్వాటు డొకండు సూర్య కర సంతప్త ప్రధానాంగుడై
త్వరతోడన్ బరువెత్తి చేరి నిలిచెన్ దాళద్రువచ్ఛాయద
చ్ఛిరముం దత్ఫల పాత వేగమున్ విచ్చెన్ శబ్ద యోగంబుగా
బొరి దైవోపహతుండు వోవుకడకుం బోవుంగదా యాపదల్
కందుకము వోలె సుజనుడు
గ్రిందంబడి మగుడ మీదికి నె్నగయుజుమీ
మందుడు మృత్పిండమువలె
గ్రిందంబడి యడగియుండు గృపణత్వమునన్
రాతిరి మూషకంబు వివరంబొనరించి కరండబదమై
భీతిలి చిక్కి యాస చెడి పెద్దయు డస్సిన పామువాత సం
పాతము చెందె దాని దిని పాము దొలంగె బిలంబుత్రోవనే
యేతఱి హానివృద్ధులకు నెక్కటి దైవమ్ కారణంబగున్
గురుడు గురుండు, వాలు శతకోటి, సుపర్వులు వాహినీ పతుల్
సురభవనంబు కోట, మధుసూదనుడున్ సయిదోడు, దంతిది
క్కరిపతి గాక నొప్పు బలఘాతియు దాయల కోడెనాజిలో
శరణము దైవమే, పురుషశక్తి నిరర్థక మెన్ని భంగులన్
జానుగ భూతికిం దొడవు సజ్జనభావము, శౌర్యలక్ష్మికిన్
వౌనము, నీతి విద్యకు, శమంబు సుబుద్ధికి, విత్తవృద్ధికిన్
దానము, దాల్మి శక్తికిని ధర్మనిరూఢి కదంభవృత్తియుం
బూనికతోడ సర్వగుణ భూషణ మొన్నగ శీలమే సుమీ
అతనికి వార్థికుల్యయగు, నగ్ని జలంబగు, మేరు శైల మం
చితశిల లీల నుండు, మదసింహము జింక లెఱంగు దాల్చు, గో
పితఫణి పూలదండయగు, భీష్మ విషంబు సుధారసంబగున్
క్షితి జన సమ్మతంబగు సుశీల మదెవ్వని యందు శోభిలున్
నియతిచేత గదర్థితుండయిన ధైర్య
పరుని ధైర్య గుణము మాన్పంగ దరమె?
క్రిందు సేయంగ బడినట్టి కృష్ణపథుని
కీల యెందైన మీదుగా గెరలుగాదె!
భావము: ధైర్యవంతునికి ఒక్కొక్కప్పుడు దైవవశాత్తు దుఃఖాలు సంభవించినా అతని ధైర్యగుణాన్ని పోగొట్టడం సాధ్యంకాదు. అగ్నిని ఎంత తలక్రిందులు చేసినా దాని జ్వాలలు పైకి ప్రసరిస్తాయేకానీ క్రిందుగా ప్రసరించవు కదా! దానికి కారణం అది అగ్నికి సహజ లక్షణం.
నీతి ప్రౌఢ విహారులైన నిపుణుల్ నిందింపనీ మెచ్చనీ
ఖ్యాతిం జెందిన సంపదల్ నిలవనీ గాఢంబుగా సాగనీ
ఘాతం బపుడ పొందనీ నియతియై గానీ యుగాంతంబునన్
నీతి శ్లాఘ్య పదంబు దప్పరు గదా నిత్యంబు ధీరోత్తముల్
ఆరంభింపరు నీచమానవులు విఘ్నాయాస సంత్రస్తులై
యారంభించి పరిత్యజింతు రురు విఘ్నాయత్తులై మధ్యముల్
ధీరుల్ విఘ్న నిహన్యమానులగుచున్ ధృత్యున్నతోత్సాహులై
ప్రారబ్ధార్ధము లుజ్జగింపరు సుమీ ప్రజ్ఞానిధుల్ గావునన్.
సుకృతాత్ములు రససిద్ధులు
సుకవీంద్రులు విజయనిధులు సుమ్ముతదీయా
ధిక కీర్తి శరీరంబులు
ప్రకట జరామరణ జన్మ భయరహితంబుల్