S ,7 à 8 RSCA (si SASPAS) et 6 cialis pharmacie cialis rapports de stage.
నేర్చుకుందాం
సత్యసూక్తి ఘటించు, ధీజడిమ మాన్చు
గౌరవమొసంగు, జనులకు కలుషమడిచు
కీర్తి ప్రకటించు, చిత్తవిస్ఫూర్తి జేయు
సాధు సంగంబు సకలార్థసాధనంబు
వౌనము చేత మూగయు, సమంచితవక్త ప్రలాపి, చెంగటం
బూని వసింప దిట్ట, దమముందట దవ్వుగ నుండెనేని శా
లీనుడు, దాల్మి భీరు, డవలిప్తుడు దాలిమిలేని బంటు, భూ
జానుల సేవ దుష్కరమసాధ్యము యోగులకైన సిద్ధరన్
మనుజులలో నెవ్వడు దగ
దనవాడనువాడు దుష్ట్ధరణీశునకున్?
ధనకయి వ్రేలిమి వ్రేల్చెడు
జనుని తనువుగాల్చు వాయు సఖుడదయుండై
కారణము లేని కలహంబు కరుణ లేమి
పరవధూ పర ధనవాంఛ బంధు సాధు
జనములం దసహిష్ణుత్వమనగ జగతి
బ్రకృతి సిద్ధంబు లివి దుష్టనికరమునకు
వనజభవుండు నెన్నొసట వ్రాసిన సొమ్ము ఘనంబొ కొంచెమో
విను మరుభూమి కేగిన లభించును మేరువు చేరబోయినన్
ధనమధికంబు రాదు కడు దైన్యము మాను ధనాఢ్యులందు న
వ్వన నిధి నూత తుల్యముగ వారి గ్రహించు ఘటంబు సూడుమా!
ఆపదలందు ధైర్యగుణ మంజిత సంపదలందు దాల్మియున్
భూపసభాంతరాళమున ఋష్కల వాక్చాతుర్త్వ మాజి బా
హాపటుశక్తియున్, యశము నందనురక్తియు, విద్యయందు వాం
ఛా పరివృద్ధియున్, బ్రకృతి సిద్ధ గుణబులు సజ్జనాళికిన్
మొదలజూచిన గడుగొప్ప పిదప గుఱచ
యాది కొంచెము తర్వాత నధికమగుచు
దనరు, దివపూర్వ పర భాగ జనితమైన
చాయపోలిన .... సజ్జనురి మైత్రి
ద్యుమణి పద్మాకరము వికచముగాజేయు
గుముద హర్షంబు గావించు నమ్నతసూ
యర్థితుడు గాక జలమిచ్చు నంబుధరుడు
సజ్జనులు తారె పరహితాచరణమతులు
తరువుల తిరస ఫల భార గురుత గాంచు
నింగి వ్రేలుచు నమృత మొసంగు మేఘు
డుద్ధతులు గారు బుధులు సమృద్ధి చేత
జగతి నుపకర్తలకు నిది సహజ గుణము
నతృలగుచున్ మహోన్నతి దీనర్చుచు నన్యగుణోక్తిచే గుణో
న్నతి ప్రకటించుచున్, బర జన ప్రియ కార్య సమర్థతన్ సమం
చింత నిజ కార్య సంగ్రహము జేయుచు, నిష్ఠురవాదులన్ క్షమా
ధృతి నిరసించుచుం బరగు ధీరులు పూజ్యులు గారె యేరికిన్?