నాకు ప్రేమ కథలు, కుటుంబకథలంటే చాలా ఇష్టం. అలాగని అలాంటి పాత్రలే అన్నీ చేయలేం. బన్నీ వేదంలో చేసిన కేబుల్ రాజు పాత్ర, రుద్రమదేవిలో చేసిన గోన గన్నారెడ్డి పాత్రలు చూసినపుడు మనం కూడా ఏవైనా కొత్త ప్రయోగాలు చేయకూడదా అనిపిస్తుందని అల్లు శిరీష్ తెలిపారు. వి.ఐ.ఆనంద్ దర్శకత్వంలో సీరత్‌కపూర్, సురభి, శిరీష్ ప్రధాన తారాగణంగా రూపొందించిన ఒక్క క్షణం విడుదలైన సంగతి తెలిసిందే.

సుధీర్‌బాబు హీరోగా ఇంద్రగంటి మోహనకృష్ణ దర్శకత్వంలో ఇటీవల ఓ చిత్రం ప్రారంభం అయింది. శివలెంక కృష్ణ ప్రసాద్ ఈ సినిమాకు నిర్మాత. అతిదిరావు హైదరీ ఈ సినిమాలో హీరోయిన్‌గా నటిస్తోంది. తాజా సమాచారం ప్రకారం ఈ సినిమాకు ‘సమ్మోహనం’ అనే టైటిల్‌ను ఫిక్స్ చేసినట్లు సమాచారం. ప్రస్తుతం ఈ సినిమా షూటింగ్ హైదరాబాద్ పరిసర ప్రాంతాల్లో జరుగుతోంది.

మహేష్ ఎన్నింటి, స్నేహాసింగ్, అనికా అబ్బాస్ ప్రధాన తారాగణంగా రూపొందించిన లఘు చిత్రం ‘ప్రేమతో ప్రేమ్’. సరికొత్త ప్రేమకథతో రూపొందిస్తున్న ఈ చిత్రం ట్రయాంగిల్ లవ్‌స్టోరీగా రూపొందించారు. ఈ సందర్భంగా నిర్మాత జె.సి. క్రియేషన్స్ మాట్లాడుతూ- ఇప్పటివరకు వెండితెరపై ఒకే అమ్మాయిని ప్రేమించిన ఇద్దరు మిత్రుల కథలు చూశాం. కానీ ఈ చిత్రంలో ఇద్దరు శత్రువులు ఒకే అమ్మాయిని ప్రేమిస్తారు.

మూవీ ఆర్టిస్ట్ అసోసియేషన్ (మా) జాయింట్ సెక్రటరీ ఏడిద శ్రీరామ్ పుట్టినరోజు సందర్భంగా హైదరాబాద్‌లో ఆయనకు ‘మా’ సభ్యులు శుభాకాంక్షలు అందజేశారు. కార్యక్రమంలో శివాజీరాజా, సురేష్, వి.బెనర్జి, హేమ, కొండేటి తదితరులు పాల్గొన్నారు.