రాజా ది గ్రేట్ చిత్రంతో మంచి విజయాన్ని అందుకున్న రవితేజ, ప్రస్తుతం విక్రమ్ సిరి దర్శకత్వంలో ‘టచ్ చేసి చూడు’ చిత్రంలో నటిస్తున్నాడు. మాస్ ఎంటర్‌టైనర్‌గా తెరకెక్కుతున్న ఈ చిత్రంలో రాశీఖన్నా, సీరత్‌కపూర్ కథానాయికలుగా నటిస్తున్నారు. జనవరిలో ఈ సినిమా ప్రేక్షకుల ముందుకు రానుంది. ఈ చిత్రం తరువాత కళ్యాణకృష్ణ దర్శకత్వంలో ‘నేల టికెట్’ చిత్రం చేయనున్నాడు.

బాలీవుడ్ హీరో సంజయ్‌దత్ జీవితకథతో ఓ సినిమా తెరకెక్కుతున్న సంగతి తెలిసిందే. రాజ్‌కుమార్ హీరాని తెరకెక్కిస్తున్న ఈ చిత్రంలో ప్రధాన పాత్రలో రణబీర్‌కపూర్ నటిస్తున్నారు. సంజు అనే టైటిల్‌ను నిర్ణయించనున్నారు. త్వరలో ప్రారంభం కానున్న ఈ సినిమాలో ఆయన చెల్లెలు ప్రియాదత్ పాత్రలో శీయ నటించనుంది. రవితేజతో ‘నేనింత’ చిత్రం తరువాత శీయ బాలీవుడ్‌కి వెళ్లింది.

స్వర్ణ్భారతి క్రియేషన్స్ పతాకంపై సాయి వెంకట్ స్వీయ దర్శకత్వంలో రూపొందించిన చిత్రం ‘జయహో రామానుజా’. ఈ సినిమాకు సంబంధించిన లోగో ఆవిష్కరణ ఇటీవల హైదరాబాద్‌లో జరిగింది. ఈ సందర్భంగా సాయి వెంకట్ మాట్లాడుతూ - భగవత్ రామానుజుల చరిత్ర, శ్రీ వెంకటేశ్వరస్వామి దేవస్థాన నిర్మాణం, స్వామివారి మహిమలు ఈ చిత్రంలో చూపిస్తున్నామని తెలిపారు.

నా కథలన్నీ కుటుంబాలకు సంబంధించిన అంశాలతోనే నిండి వుంటాయి. అలా రాసుకోవడమే నాకు ఇష్టం అంటున్నారు ‘ఎంసిఏ’ దర్శకుడు శ్రీరామ్ వేణు. నాని, సాయిపల్లవి జంటగా ఆయన దర్శకత్వంలో దర్శకత్వంలో విడుదలైన చిత్రం ‘ఎంసిఏ’. ఇటీవలే విడుదలైన ఈ చిత్రం మంచి వసూళ్లు సాధిస్తోంది. ఈ సందర్భంగా శ్రీరామ్ వేణు మాట్లాడుతూ ‘‘ఈ సినిమాకు వస్తున్న ఆదరణకు చాలా ఆనందంగా వుంది. సినిమా గురించి ఏదైతే అనుకున్నామో అదే ఇప్పుడు జరుగుతుంది.