చేసిన తక్కువ సినిమాలతోనే స్టార్ హీరోయిన్‌గా మంచి గుర్తింపు తెచ్చుకుంది గ్లామర్ భామ అనుష్కా శర్మ. గ్లామర్ పాత్రలతోపాటు నటిగా నిరూపించుకునేందుకు ఎప్పుడూ సిద్ధంగా వుండే అనుష్క, అటు బిజినెస్ వ్యవహారాల్లో కూడా తనదైన సత్తా చాటుకుంటోంది. గత కొంతకాలంగా క్రికెటర్ విరాట్ కోహ్లితో ప్రేమాయణం సాగిస్తున్న అనుష్క పెళ్లికి రెడీ అయింది.

నాని, సాయి పల్లవి జంటగా శ్రీ వెంకటేశ్వర క్రియేషన్స్ పతాకంపై శ్రీరామ్ వేణు దర్శకత్వంలో దిల్‌రాజు రూపొందించిన చిత్రం ఎంసిఏ. ఈ చిత్రానికి సంబంధించిన షూటింగ్ పూర్తిచేశారు. ఈనెల 21న విడుదల చేయనున్నారు. ఈ సందర్భంగా నిర్మాత దిల్‌రాజు మాట్లాడుతూ- ఆగస్టులోనే ఈ చిత్రం డిసెంబర్ 21న విడుదల కానుందని ప్రకటించామని, ఈనెల 15న విడుదల చేయాలనుకున్నా కుదరకపోవడంతో 21న విడుదల చేయనున్నామని తెలిపారు.

సాక్షిచౌదరి, పర్వీన్‌రాజ్, పోసాని కృష్ణమురళి ప్రధాన తారాగణంగా లార్డ్ శివ క్రియేషన్స్ పతాకంపై ఆదిశేష సాయిరెడ్డి దర్శకత్వంలో ఎం.వి.ఎస్.సాయికృష్ణారెడ్డి రూపొందించిన చిత్రం ‘ఏంటి రాజా యూత్ ఇలా వుంది..’. అన్ని కార్యక్రమాలు పూర్తిచేసుకుని ఈనెలలోనే విడుదలకు సిద్ధమవుతోంది. ఈ సందర్భంగా చిత్ర దర్శక నిర్మాతలు, మరో నిర్మాత దిల్‌రాజును కలిసి తమ చిత్ర విశేషాలను వివరించారు.

జగదేకవీరుడితో జతకట్టిన అతిలోక సుందరి శ్రీదేవి అంటే ఇప్పటికే అభిమానులకు హార్ట్‌స్ట్రోకే! అలాంటి అతిలోక సుందరి తనయ జాహ్నవి సినీ రంగ ప్రవేశం గురించి గత ఐదు సంవత్సరాలుగా వార్తలు వినిపిస్తూనే వున్నాయి. ఇదుగో వస్తోంది, అదుగో వస్తోంది అంటూ చెబుతున్న మాటలే కానీ ఎక్కడా జాహ్నవి కెమెరా ముందుకు వచ్చిన దాఖలాలు లేవు. శ్రీదేవి కూడా తాను ఇప్పుడే సినిమాలకి రాదంటూ చెప్పుకొచ్చింది.