క్రేజ్ తగ్గుతున్న సీనియర్ హీరోలు యు టర్న్ తీసుకుని నెగెటివ్ పాత్రలపై దృష్టి పెడుతున్నారు. విలన్లుగా ఇప్పటికే సుమన్, జగపతిబాబు మంచి క్రేజ్ తెచ్చుకున్నారు. ఇప్పుడు ఆ దారిలో మరో హీరో వెళ్తున్నాడు. హీరోగా చాన్స్‌లు పూర్తిగా తగ్గిపోవడంతో శ్రీకాంత్ నెగెటివ్ రోల్స్‌పై సీరియస్‌గానే దృష్టి పెట్టినట్టు కనిపిస్తోంది. నాగచైతన్య నటిస్తున్న చిత్రంలో నెగెటివ్ పాత్రలో నటిస్తున్నాడు.

సంగకుమార్, సునయ జంటగా పినాకి టాకీస్ పతాకంపై ఎం.ఎస్.వాసు దర్శకత్వంలో పుల్లూరి నవీన్‌కుమార్ రూపొందిస్తున్న చిత్రం ‘బాక్స్’. నాగవంశి సంగీతం అందించిన ఈ చిత్రంలోని పాటలను హైదరాబాద్‌లో నగర మేయర్ బొంతు రామ్మోహన్ సతీమణి శ్రీదేవి తొలి సీడీని విడుదల చేసి దర్శకుడు వీర శంకర్‌కు అందించారు.

శ్రీరామ్, శ్రీప్రియ, మహేందర్, ఆశ ప్రధాన తారాగణంగా లైట్ ఆఫ్ లవ్ క్రియేషన్స్ పతాకంపై మోహన్‌రావు దర్శకత్వంలో లక్ష్మణ్ పదిలం రూపొందిస్తున్న చిత్రం ‘కొత్త కుర్రోడు’. ఈ చిత్రానికి సంబంధించిన పాటలు వినా టాకీ పార్ట్ పూర్తిచేశారు. బుధవారం ఉదయం సినిమాకు సంబంధించిన పాటల రికార్డింగ్ కార్యక్రమం హైదరాబాద్‌లో ప్రారంభించారు.

కమర్షియల్ చట్రంలో తెలుగు సినిమా బిగుసుకుపోయిందన్న అభియోగానికి రెండు అచ్చ తెలుగు సినిమాలు తెరదించాయి. తెలుగు సినిమాకు అవార్డులొచ్చే కాలం చెల్లిందన్న అభియోగాన్ని నిజానికి చాలాకాలంగా పరిశ్రమ మోస్తోంది. కథ, కథనాలను మాస్ యాంగిల్‌లోనే రూపొందించడానికి అలవాటుపడిపోయిందన్న అభాండాన్ని మోస్తోంది. వీటికి ఇటీవల అవార్డులు సాధించిన రెండు తెలుగు చిత్రాలు చెక్‌పెట్టాయి.