న్యూఢిల్లీ, నవంబర్ 18: బాలీవుడ్ నటుడు రాహుల్ రాయ్ శనివారం ఇక్కడ కేంద్ర మంత్రి విజయ్ గోయెల్ సమక్షంలో భారతీయ జనతా పార్టీలో చేరారు. ప్రధానమంత్రి నరేంద్ర మోదీ, పార్టీ అధ్యక్షుడు అమిత్ షా దేశాన్ని ముందుకు తీసుకెళ్తున్నారని, దీంతో భారత్ పట్ల ప్రపంచ దేశాల దృక్పథమే మారిపోయిందని, అందువల్లనే తాను బీజేపీలో చేరాలని నిర్ణయించుకున్నానని రాహుల్ రాయ్ ఈ సందర్భంగా మీడియాకు చెప్పారు.

జమ్ము, నవంబర్ 18: ‘పాక్ ఆక్రమిత కాశ్మీర్’ (పీవోకే)పై అనుచిత వ్యాఖ్యలు చేసినందుకు జమ్మూకాశ్మీర్ మాజీ ముఖ్యమంత్రి ఫరూఖ్ అబ్దుల్లా, సినీ నటుడు రిషికపూర్‌లపై ‘దేశద్రోహ నేరం’ కింద కేసులు నమోదు చేయాలని సుకేశ్ ఖజూరియా అనే సామాజిక కార్యకర్త ఇక్కడి జిల్లా కలెక్టర్‌కు ఫిర్యాదు చేశారు. జమ్మూకాశ్మీర్ ప్రభుత్వం ఏర్పాటు చేసిన సిటిజన్స్ అడ్వయిజరీ కమిటీ సభ్యుడిగా గతంలో పనిచేసిన ఖజూరియా..

బలియా (యూపీ), నవంబర్ 18: వివాదాస్పద అయోధ్య సమస్య పరిష్కారానికి మధ్యవర్తిత్వం నెరపుతానంటూ ఆర్ట్ ఆఫ్ లివింగ్ వ్యవస్థాపకుడు శ్రీశ్రీ రవిశంకర్ చేస్తున్న ప్రకటనలను సమాజ్‌వాదీ పార్టీ ఎద్దేవా చేసింది. హిందూ ఓటు బ్యాంకును కొల్లగొట్టాలన్న కుట్రలో భాగమే రవిశంకర్‌ను రంగంలోకి దించారని సమాజ్‌వాదీ పార్టీ జాతీయ ప్రధాన కార్యదర్శి రామశంకర్ విద్యార్థి విమర్శించారు.

కోచి, నవంబర్ 18: హిమచల్ ప్రదేశ్, గుజరాత్ శాసనసభ ఎన్నికల్లో తమ పార్టీని గెలిపించేందుకు కాంగ్రెస్ ఉపాధ్యక్షుడు రాహుల్ గాంధీ కఠోర దీక్షతో పనిచేస్తున్నారని మాజీ ప్రధాని డాక్టర్ మన్మోహన్ సింగ్ అన్నారు. ఈ రెండు రాష్ట్రాల్లో కాంగ్రెస్‌కు గెలుపు తథ్యమన్న విశ్వాసాన్ని ఆయన వ్యక్తం చేశారు.