చెన్నై/న్యూఢిల్లీ, అక్టోబర్ 21: తమిళ హీరో విజయ్ నటించిన ‘మెర్సల్’ చిత్రంపై బిజెపి నేతలు చేస్తున్న విమర్శలను కాంగ్రెస్ ఎండగట్టింది. కాంగ్రెస్ ఉపాధ్యక్షుడు రాహుల్‌గాంధీ, పార్టీ సీనియర్ నేత పి చిదంబరం బిజెపి నేతల తీరును తప్పుబట్టారు. జిఎస్‌టిని విమర్శిస్తూ మెర్సల్‌లో డైలాగులున్నాయని తమిళ బిజెపి నాయకులు ఆరోపిస్తున్న సంగతి తెలిసిందే.

న్యూఢిల్లీ, అక్టోబర్ 20: కేంద్ర ఎన్నికల సంఘం ప్రధాన మంత్రి నరేంద్ర మోదీ అడుగులకు మడుగులు వత్తుతోందని కాంగ్రెస్ సీనియర్ నేత, మాజీ కేంద్ర మంత్రి పి చిదంబరం తీవ్రంగా విమర్శించారు. గుజరాత్ ఎన్నికల తేదీలను ప్రకటించే అధికారం నరేంద్ర మోదీకి ధారదత్తం చేసిందంటూ ట్వీట్లు సంధించారు. ఇసిపై ధ్వజమెత్తుతూ ట్వీట్ల పరంపరం కొనసాగించారు.

న్యూఢిల్లీ, అక్టోబర్ 20: సుదూర ప్రాంతం ప్రయాణించే 500 రైళ్ల వేగం త్వరలో పెరగనుంది. ఆమేరకు ప్రయాణికుల సమయాన్ని కనీసం 2గంటల మేర ఆదా చేసేందుకు భారతీయ రైల్వే రంగం సిద్ధం చేసింది. ఈ ప్రణాళికను త్వరలోనే అమల్లోకి తేనున్నట్టు రైల్వే ఉన్నతాధికారి ఒకరు వెల్లడించారు. ఈ కొత్త ప్రయాణ కాలాన్ని నవంబర్ నుంచి అమల్లోకి తేనున్నట్టు ఆయన వెల్లడించారు.

న్యూఢిల్లీ, అక్టోబర్ 20: జెడియు పార్టీ నుంచి ఎన్నికైన శరద్‌యాదవ్, అలీ అన్వర్ అన్సారీలకు పార్లమెంట్ సభ్యత్వ అనర్హత ఫిర్యాదుపై రాజ్యసభ సచివాలయం శుక్రవారం నోటీసులు జారీ చేసింది. జెడియు మాజీ అధ్యక్షుడు శరద్ యాదవ్, ఎంపీ అన్సారీల రాజ్యసభ సభ్యత్వాన్ని రద్దు చేయాలని కోరతూ ఉపరాష్టప్రతి, రాజ్యసభ చైర్మన్ వెంకయ్యనాయుడుకు గతంలో బీహార్ ముఖ్యమంత్రి నితీష్‌కుమార్ నేతృత్వంలోని జెడియు నేతలు ఫిర్యాదు చేశారు.