న్యూఢిల్లీ, ఆగస్టు 28: డోక్లామ్ బలాబలాల పరీక్షలో చైనాపై భారత్ విజయం సాధించింది. డోక్లామ్‌లో రెండు నెలలుగా కొనసాగుతున్న ఉద్రిక్తతను తగ్గించుకునేందుకు రెండు దేశాలు తమ సైన్యాలను ఉపసంహరించుకునేందుకు అంగీకరించాయి. ఈ మేరకు సైన్యాల ఉపసంహరణ ప్రారంభమైందని విదేశీ వ్యవహారాల అధికార ప్రతినిధి సోమవారం ఒక ప్రకటన జారీ చేశారు.

పాట్నా, ఆగస్టు 27: కేంద్రంలో బిజెపి సారథ్యంలోని ఎన్‌డిఎ అధికారంలోకి వచ్చి మూడేళ్లు గడిచిపోయినా ‘మంచి రోజుల’ జాడ తెలియడం లేదని పశ్చిమ బెంగాల్ ముఖ్యమంత్రి మమతా బెనర్జీ అన్నారు. ఆదివారం పాట్నాలో జరిగిన విపక్షాల ర్యాలీలో మాట్లాడిన మమత దేశాన్ని ఎట్టి పరిస్థితుల్లో ముక్కలు చెక్కలు కానివ్వమని ప్రతిజ్ఞ చేశారు. వచ్చే లోక్‌సభ ఎన్నికల్లో బిజెపి పరాజయం, లాలూ ప్రసాద్ విజయం తథ్యమంటూ జోస్యం చెప్పారు.

న్యూఢిల్లీ, ఆగస్టు 27: స్వచ్ఛతే సేవ అన్న సరికొత్త ఉద్యమాన్ని చేపట్టాలని ప్రధాని నరేంద్ర మోదీ పిలుపునిచ్చారు. ఆదివారం మన్ కీ బాత్‌లో మాట్లాడిన మోదీ, దేశంలో 67శాతం మంది జనాభాకు ఇప్పుడు మరుగుదొడ్లు ఉన్నాయని, అలాగే 2 లక్షల 30వేల గ్రామాలు మరుగుదొడ్ల సమస్యకు దూరమయ్యాయని స్పష్టం చేశారు.

చండీగఢ్, ఆగస్టు 27: ఈ నెల 25న సిబిఐ ప్రత్యేక కోర్టులో హాజరుకావడం కోసం డేరా సచ్చా సౌదా చీఫ్ గుర్మీత్ రామ్ రహీమ్ సింగ్ పంచకుల వచ్చినప్పుడు ఆయన భద్రతా వలయంలోని ఏడుగురు భద్రతా సిబ్బందిపై దేశద్రోహం, హత్యాయత్నం ఆరోపణల కింద కేసులు నమోదు చేసినట్లు పోలీసులు తెలిపారు. వీరిలో హర్యానా పోలీసుకు చెందిన అయిదుగురు పోలీసులు కూడా ఉన్నారు.