పంచకుల, ఆగస్టు 26: ఇద్దరు మహిళా భక్తులపై అత్యాచారానికి పాల్పడ్డారన్న కేసులో హర్యానాలోని వివాదాస్పద డేరా సచ్చా సౌదా ఆశ్రమం అధినేత గుర్మీత్ రామ్ రహీమ్ సింగ్‌ను సిబిఐ ప్రత్యేక కోర్టు శుక్రవారం దోషిగా ప్రకటించింది. కాగా, ఆయనకు విధించే శిక్షను సోమవారం (28న) ప్రకటిస్తామని జడ్జి తెలిపారు.

చండీగఢ్, ఆగస్టు 26: అత్యాచారం కేసులో డేరా సచ్చా సౌదా ఆశ్రమం చీఫ్ గుర్మీత్ రామ్ రహీమ్ సింగ్‌ను దోషిగా ప్రకటించిన వెంటనే ఆయనకు ఉన్న జడ్ ప్లస్ సెక్యూరిటీని ఉపసంహరించడం జరిగిందని హర్యానా రాష్ట్ర ప్రధాన కార్యదర్శి డిఎస్ ధేసి శనివారం ఇక్కడ చెప్పారు. అంతేకాదు, రామ్ రషీమ్‌ను రోహ్టక్ జైల్లోప్రత్యేక వ్యక్తిగా చూస్తున్నట్లు వచ్చిన వార్తలను కూడా ఆయన ఖండించారు.

చండీగఢ్, ఆగస్టు 26: డేరా సచ్చా సౌదా బాబా గుర్మీత్ రామ్ రహీమ్‌ను అత్యాచారం కేసులో కోర్టు దోషిగా నిర్ధారించిన తర్వాత శుక్రవారం పంచకులలో చెలరేగిన హింసాకాండ పట్ల హర్యానా ప్రభుత్వంపై ఆ రాష్ట్ర హైకోర్టు శనివారం తీవ్ర ఆగ్రహం వ్యక్తం చేసింది. చివరికి ప్రధాని నరేంద్ర మోదీపై సైతం కోర్టు తీవ్ర వ్యాఖ్యలు చేసింది. ‘ఆయన ఈ దేశానికి ప్రధానమంత్రి.. బిజెపికి కాదు’ అని వ్యాఖ్యానించింది.

న్యూఢిల్లీ, ఆగస్టు 26: కాంగ్రెస్ ఉపాధ్యక్షుడు రాహుల్ గాంధీకి రాజకీయాల కంటే విదేశీ పర్యటనల పట్ల ఎక్కువ మక్కువ ఉన్నట్లు కనిపిస్తోంది. ప్రతిపక్షాలు ‘బిజెపి బగావో-దేశ్‌కు బచావో’ (బిజెపిని పారదోలండి, దేశాన్ని రక్షించండి) అనే నినాదంతో ర్యాలీలు, బహిరంగ సభలు నిర్వహిస్తుంటే, వీటికి హాజరుకాకుండా నార్వే ప్రభుత్వం ఆహ్వానం మేరకు ఓస్లో వెళ్లిపోయారు.