ఢిల్లీ: కృష్ణా జలాల పంపకంపై ట్రైబ్యునల్‌ ఎదుట మహారాష్ట్ర వాదనలు వినిపించింది. విభజన చట్టం సెక్షన్‌ 89 ప్రకారం జల వివాదం తెలుగు రాష్ట్రాలకు సంబంధించినదేనని, మళ్లీ కేటాయింపులు చేయాలని తెలంగాణ వాదించడం సరికాదని కృష్ణా ట్రైబ్యునల్ ఎదుట మహారాష్ట్ర ప్రభుత్వం తెలిపింది. ట్రైబ్యునల్‌ తీర్పు ఇచ్చాక ఏపీ పిటిషన్ వేసి నిర్ణయాన్ని అడ్డుకుందని మహారాష్ట్ర ప్రభుత్వ లాయర్ అన్నారు. . బి.కె.

ముంబయి: అండర్ వరల్డ్ డాన్ దావూద్ ఇబ్రహీం మేనల్లుడి పెళ్లి సందర్భంగా పోలీసులు నిఘా తీవ్రతరం చేశారు. దావూద్ మేనల్లుడు అలీషా పార్కర్ వివాహం నగరంలోని నాగ్‌పడా ప్రాంతంలోని మసీదు వద్ద బుధవారం ఉదయం 11 గంటలకు జరిగింది. పెళ్లి వేడుకలను దావూద్ ‘స్కైప్’లో వీక్షిస్తాడన్న ప్రచారం కొద్ది రోజులుగా ఊపందుకుంది.

చెన్నై: ముఖ్యమంత్రి జయలలితపై తీవ్ర విమర్శలు చేసినందుకు ప్రధాన ప్రతిపక్ష పార్టీ డీఎంకేలోని మొత్తం 89 మంది ఎమ్మెల్యేలను వారం రోజుల పాటు సస్పెండ్‌ చేశారు. జయలలిత డిక్టేటర్‌లా వ్యవహరిస్తున్నారని డీఎంకే ఎమ్మెల్యేలు విమర్శలు చేస్తూ ఆందోళన చెయ్యడంతో అసెంబ్లీ స్పీకర్‌ పి.ధనపాల్‌- డీఎంకే నేత స్టాలిన్‌ సహా ఆ పార్టీ ఎమ్మెల్యేలనందరినీ సస్పెండ్‌ చేశారు. డీఎంకే ఎమ్మెల్యేలను బలవంతంగా బయటకు పంపారు.

దిల్లీ: పార్టీ ఫిరాయింపులకు పాల్పడిన తెలంగాణ ఎమ్మెల్యేలకు, స్పీకర్‌కు సుప్రీంకోర్టు నోటీసులు జారీ చేసింది. పార్టీ ఫిరాయింపులపై తెలంగాణ కాంగ్రెస్‌ ఎమ్మెల్యే సంపత్‌ కుమార్‌ దాఖలు చేసిన పిటిషన్‌ను సుప్రీంకోర్టు విచారణకు స్వీకరించింది. 3 వారాల్లోగా సమాధానం ఇవ్వాలని జస్టిస్‌ కురియన్‌ నేతృత్వంలోని ద్విసభ్య ధర్మాసనం ఆదేశించింది.