పాట్నా, ఆగస్టు 16: జిఎస్‌టి బిల్లును ఆమోదించిన తొలి బిజేపీ యేతర ప్రభుత్వంగా బీహర్ నిలిచింది. వర్షాకాల సమావేశాల సందర్భంగా పార్లమెంట్ ఆమోదించిన వస్తుసేవల పన్ను బిల్లును బీహార్ ఆసెంబ్లీ రాటిఫై చేసింది. 1991 తరువాత అత్యంత కీలకమైన ఆర్థిక సంస్కరణగా మారిన జిఎస్‌టి బిల్లును దేశంలోని 50శాతం రాష్ట్రాలు కనీసంగా ఆమోదించాల్సి ఉంది.

శ్రీనగర్‌: జమ్ము- కాశ్మీర్‌లోని బుద్గాం జిల్లాలో భద్రతా సిబ్బంది, ఆందోళనకారుల మధ్య మంగళవారం జరిగిన ఘర్షణలో నలుగురు యువకులు మృతిచెందారు. మగమ్‌ ప్రాంతంలో సీఆర్పీఎఫ్‌ వాహనంపైకి కొందరు ఆందోళనకారులు రాళ్లు విసిరారు. దీంతో భద్రతాసిబ్బంది ఎదురుదాడికి పాల్పడ్డారు. ఈ ఘటనలో ఓ యువకుడు ప్రాణాలు కోల్పోగా, చికిత్స పొందుతూ మరో ముగ్గురు మృతిచెందారు. 15 మంది గాయపడ్డారు.

న్యూఢిల్లీ, ఆగస్టు 15: దేశంలో పెట్రోలు ధరను లీటరుకు రూపాయి డీజిల్ ధరను లీటరుకు 2రూపాయలు తగ్గాయి. సోమవారం అర్ధరాత్రి నుంచి ఈ ధరలు అమల్లోకి వచ్చాయి. తగ్గిన ధరల ప్రకారం ఢిల్లీలో పెట్రోలు లీటరు రూ. 60.09 డీజిల్ లీటర్ రూ. 50.27 కు ధరలు తగ్గాయి. అంతర్జాతీయ ముడి చమురు రేట్లలో వచ్చిన మార్పుల నేపథ్యంలోనే పెట్రోలు, డీజిల్ ధరలను తగ్గించారు. చివరి సారిగా గత నెల 31న వీటి రేట్లు తగ్గాయి.

సూళ్లూరుపేట, ఆగస్టు 15: నెల్లూరు జిల్లా శ్రీహరికోటలోని షార్ కేంద్రంనుంచి ఈ ఏడాది నాలుగు ప్రయోగాలు చేపడుతున్నట్లు షార్ డైరెక్టర్ కున్హికృష్ణన్ పేర్కొన్నారు. సోమవారం ఆయన షార్‌లో జాతీయ జెండా ఆవిష్కరించించారు. అనంతరం కల్పన అంతరిక్ష నివాసంలో విలేఖర్లతో మాట్లాడుతూ షార్ కేంద్రం నుంచి ఈ ఏడాది రెండు జిఎఎస్‌ఎల్‌వి, ఒక పిఎస్‌ఎల్‌వి, మరో ఏటివి ప్రయోగం ఉంటుందన్నారు.