ఢిల్లీ: మరో ఆప్ నేతపై దాడి జరిగింది. ఢిల్లీ ముఖ్యమంత్రి కేజ్రీవాల్‌పై దాడి సంఘటన మరువకముందే ఆమ్ ఆద్మీకి చెందిన పార్టీ సీనియర్ నేత సురేశ్ శర్మపై గుర్తుతెలియని వ్యక్తులు కాల్పులు జరిపారు. మంగళవారం సాయంత్రం కొందరు గుర్తుతెలియని వ్యక్తులు సురేశ్ ఫర్నిచర్ దుకాణానికి వచ్చారు. అనంతరం వారు దగ్గర నుంచి సురేశ్ శర్మపై కాల్పులు జరిపి పరారయ్యారు. సురేశ్ పరిస్థితి నిలకడగా ఉంది.

హిసార్: బ్రిడ్జిపై నిద్రిస్తున్న కూలీలపై నుంచి కారు దూసుకువెళ్లటంతో ఐదుగురు కూలీలు అక్కడికక్కడే మృతిచెందారు. మరో తొమ్మిది మంది వ్యక్తులు గాయపడ్డారు. హర్యానాలోని హిసార్‌లో చోటు చేసుకున్న ఈ ఘటనలో కూలీలంతా బ్రిడ్జి పనులు చేసి అక్కడే నిద్రిస్తున్నారు. వేగంగా వెళుతున్న కారు డివైడర్‌ను ఢీకొని బ్రిడ్జిపై నిద్రిస్తున్న కూలీలపైకి వెళ్లింది.

జాబువా/రేవా: దేశాన్ని అవినీతి ఊబి నుంచి రక్షించేందుకు, బ్యాంకింగ్ వ్యవస్థను ప్రక్షాళన చేసేందుకు పెద్ద నోట్లరద్దు అనే కఠినమైన వైద్య విధానాన్ని అమలు చేసినట్లు ప్రధానమంత్రి నరేంద్రమోదీ అన్నారు. దేశంలో అవినీతి సొమ్ము చలామణిని అరికట్టి, బ్యాంకుల పరిధిలోకి ఈ సొమ్మును తెచ్చామని ఆయన చెప్పారు.

కటక్, నవంబర్ 20: ఒరిస్సాలో మంగళవారం జరిగిన ఘోర రోడ్డు ప్రమాదంలో 12 మంది దుర్మరణం చెందారు. మరో 49 మంది గాయపడ్డారు. జగత్‌పూర్ సమీపంలోని ఓ వంతెనపై వెళుతున్న బస్సు మహానదిలో దొర్లి పడడంతో ఈ విషాద ఘటన జరిగింది. తాల్చేరు నుంచి కటక్ వస్తున్న ఈ బస్సు బ్రిడ్జి రైలింగ్‌ను ఢీకొని 30 అడుగుల పైనుంచి పడిపోయిందని పోలీసులు తెలిపారు.