గుర్గావ్, నవంబర్ 19: గతంలో అధికారంలో ఉన్న కాంగ్రెస్ పార్టీ నిర్లక్ష్యం వహించడం వల్లే హర్యానా ఎంతో నష్టపోయిందని, ఎన్నో కీలక ప్రాజెక్టులు పూర్తికాకుండా పోయాయని ప్రధాని మోదీ ధ్వజమెత్తారు. కేపీఎమ్ ఎక్స్‌ప్రెస్ వే కుండ్లీ-మానేసర్ విభాగాన్ని సోమవారం నాడిక్కడ ప్రారంభించిన సందర్భంగా మాట్లాడిన మోదీ హర్యానా అభివృద్ధి చరిత్రలో ఇది చాలా కీలకమైన రోజని అన్నారు.

పురుషుల నుంచి వేధింపులకు సంబంధించి ‘మీ టూ’ ఉద్యమం పేరిట మహిళలు పెద్ద సంఖ్యలో బయటికి వస్తున్న నేపథ్యంలో సోమవారం ఢిల్లీలో ఓ ఆసక్తికర ప్రదర్శన జరిగింది. ఈ ‘మీ టూ’ ఉద్యమానికి వ్యతిరేకంగా పురుషుల సంక్షేమ ట్రస్టు కార్యకర్తలు ప్రదర్శన జరిపారు. పురుషుల కోసం ఓ కమిషన్ ఏర్పాటు చేయాలని ఈ సందర్భంగా డిమాండ్ చేశారు.

లక్నో, నవంబర్ 19: కాంగ్రెస్ అధ్యక్షుడు రాహుల్ గాంధీ నియోజకవర్గమైన అమేథీలో రైతులకు ఇజ్రాయెల్ నుంచి తెప్పించిన అరటిచెట్ల నారును అందజేసేందుకు ఏర్పాట్లు చేశారు. రానున్న లోక్‌సభ ఎన్నికల్లో ఈ నియోజకవర్గంలో నుంచి ఎలాగైనా గెలుపొందాలని కేంద్ర మంత్రి స్మృతి ఇరానీ తరచుగా పర్యటిస్తున్న విషయం తెలిసిందే. అలాగే ఈ ఏడాదిలో పదివేల చీరలను మహిళలకు అందజేస్తానని ఆమె హామీ ఇచ్చారు.

జైపూర్, నవంబర్ 19: రాజస్థాన్ అసెంబ్లీ ఎన్నికల్లో కాంగ్రెస్ అఖండ విజయం సాధిస్తుందని పీసీసీ అధ్యక్షుడు సచిన్ పైలట్ ధీమా వ్యక్తం చేశారు. ఈ ఎన్నికలు రెండు పార్టీల సిద్ధాంతాల మధ్య జరుగుతున్నాయని ఆయన అభివర్ణించారు. టాంక్ అసెంబ్లీ నియోజకవర్గం నుంచి పోటీచేస్తున్న సచిన్ పైలట్ సోమవారం నామినేషన్ దాఖలు చేశారు.