న్యూఢిల్లీ, మార్చి 24: వచ్చే నెలలో జరుగనున్న ఇండియన్ ప్రీమియర్ లీగ్ (ఐపీఎల్)లో ఆడే రాయల్ చాలెంజర్స్ బెంగళూర్ జట్టులో స్వల్ప మార్పు జరిగింది. ఈ జట్టులోని ఫాస్ట్ బౌలర్, ఆస్ట్రేలియాకు చెందిన నాథన్ కౌల్టర్ నైల్ గాయపడిన నేపథ్యంలో అతని స్థానంలో న్యూజిలాండ్ ఆల్‌రౌండర్‌కు కొరీ ఆండర్సన్‌కు చోటు దక్కింది. ఈ విషయాన్ని ఐపీఎల్ సాంకేతిక కమిటీ శనివారం ధృవీకరించింది.

హరారేలో శుక్రవారం జరిగిన కీలక మ్యాచ్‌లో ఐర్లాండ్‌ను ఐదు వికెట్ల తేడాతో ఓడించి, ప్రపంచ కప్ చాంపియన్‌షిప్‌కు అర్హత సంపాదించిన అఫ్గానిస్తాన్ క్రికెటర్ల ఆనందం. ఈ మ్యాచ్‌లో మొదట బ్యాటింగ్ చేసిన ఐర్లాండ్ 50 ఓవర్లలో 7 వికెట్లకు 209 పరుగులు సాధించింది. పాల్ స్టిర్లింగ్ 55, కెవిన్ ఒబ్రియాన్ 41, నీల్ ఒబ్రియాన్ 36 చొప్పున పరుగులు సాధించారు.

సిడ్నీ, మార్చి 23: సిడ్నీ కేంద్రంగా జరుగుతున్న జూనియర్ షూటింగ్ ప్రపంచకప్‌లో భారత్ పతకాల వేట కొనసాగుతోంది. శుక్రవారం యువ షూటర్ వివాన్ కపూర్ రెండు కాంస్య పతకాలను భారత్‌కు అందించాడు. దీంతో టోర్నమెంట్‌లో పతకాల జాబితాలో భారత్ రెండు స్వర్ణాలు, మూడు కాంస్యాలతో రెండో స్థానానికి ఎగబాకింది. తొలి స్థానంలో ఐదు స్వర్ణాలు, ఒక రజతం, మూడు కాంస్యలతో చైనా ఆగ్ర స్థానంలో ఉంది.

చెన్నై: చాలా కాలం తర్వాత మళ్లీ ఒకే దగ్గర కనిపించిన బీసీసీఐ మాజీ అధ్యక్షుడు ఎన్. శ్రీనివాసన్, భారత మాజీ కెప్టెన్ మహేంద్ర సింగ్ ధోనీ. ఐపీఎల్‌లో మ్యాచ్ ఫిక్సింగ్ ఆరోపణలు వెల్లువెత్తినప్పుడు శ్రీనివాసన్‌తోపాటు అతని అల్లుడు గురునాథ్ మెయ్యప్పన్‌పైనా అనుమానాలు తలెత్తాయ. ఆ తర్వాత చోటు చేసుకున్న కీలక పరిణామాల నేపథ్యంలో శ్రీని తన పదవిని వదులుకోవాల్సి వచ్చింది.