రాజమహేంద్రవరం, సెప్టెంబర్ 8: వినియోగదారులకు అందాల్సిన ఉచిత ఇసుక దారిమళ్లించి ప్రజాప్రతినిధుల సొంత నిర్మాణాలకు తరలిస్తోన్న అక్రమం తూర్పు గోదావరి జిల్లా రాజమహేంద్రవరం ర్యాంపులో యధేచ్ఛగా సాగిపోతోంది. ఈ ఇసుక ర్యాంపుల వివాదం ఇప్పుడు సిఎం చంద్రబాబు దృష్టికి వెళ్లినట్టు విశ్వసనీయంగా తెలిసింది.

ద్వారకాతిరుమల, సెప్టెంబర్ 8: భారత దేశంలో రానున్న దశాబ్దకాలంలో నియోజకవర్గాల పునర్వ్యవస్థీకరణ జరిగే అవకాశం లేదని ఉభయ తెలుగు రాష్ట్రాల ఎన్నికల ప్రధాన అధికారి భన్వర్‌లాల్ అన్నారు. పశ్చిమ గోదావరి జిల్లా ద్వారకాతిరుమలేశుని దర్శనానికి శుక్రవారం ఇక్కడకు వచ్చిన ఆయన కొద్దిసేపు విలేఖర్లతో మాట్లాడారు. నియోజకవర్గాల పునర్వ్యవస్థీకరణ అవసరమైతే చట్టసవరణ చేయాల్సి ఉంటుందన్నారు.

ఖమ్మం, సెప్టెంబర్ 7: దేశవ్యాప్తంగా పలు పాఠశాలలను దత్తత తీసుకొని, వౌలిక సదుపాయాల కల్పనతో పాటు విద్యార్థులకు మెరుగైన విద్యనందించేందుకు కృషి చేస్తున్న టీచ్ ఫర్ చేంజ్ సంస్థ తొలిసారిగా తెలంగాణ రాష్ట్రంలో పది పాఠశాలలను దత్తత తీసుకున్నది. ఖమ్మం, భద్రాద్రి కొత్తగూడెం జిల్లాల పరిధిలో ఈ పాఠశాలలు ఉండటం గమనార్హం.

హైదరాబాద్, సెప్టెంబర్ 7: మూడేళ్ల కిందట ప్రారంభం కావాల్సిన హైదరాబాద్ మెట్రోరైలు ప్రాజెక్టుకు ఎట్టకేలకు మోక్షం లభించబోతుంది. మొదటి దశ మెట్రోరైలు ప్రాజెక్టును నవంబర్ నెలాఖరున ప్రారంభించడానికి ప్రధాన మంత్రి నరేంద్ర మోదీని ముఖ్యమంత్రి కె చంద్రశేఖర్‌రావు ఆహ్వానిస్తూ గురువారం లేఖ రాసారు.