హైదరాబాద్, సెప్టెంబర్ 9: ప్రపంచాన్ని గడగడలాడిస్తున్న బ్లూవేల్ గేమ్ కట్టడికి ఎట్టకేలకు తెలంగాణ ప్రభుత్వం నడుం బిగించింది. బ్లూవేల్ గేమ్ బారిన పడుతున్న భారతీయ విద్యార్థుల సంఖ్య రోజురోజుకు పెరుగుతుండటంతో ముందస్తుగానే ఈ అంశంపై దృష్టిసారించాలని పాఠశాల విద్యాశాఖ అధికారులకు ఆదేశాలు వచ్చాయి. దాంతో ఈ నెల 15వ తేదీన యాజమాన్యాలతో పాఠశాల విద్యాశాఖ కమిషనర్ కిషన్ ప్రత్యేక సమావేశాన్ని నిర్వహించారు.

విజయవాడ, సెప్టెంబర్ 9: ఉల్లి ధరలు అనూహ్యంగా పతనం కావడంతో రైతును ఆదుకునేందుకు వీలుగా టన్ను ఉల్లిని ఆరువేల చొప్పున మార్క్‌ఫెడ్ ద్వారా కొనుగోలు చేస్తామని రాష్ట్ర మార్కెటింగ్, గిడ్డంగులు, పశుసంవర్థక, పాడి పరిశ్రమ, మత్స్య పరిశ్రమ, సహకార శాఖల మంత్రి ఆదినారాయణరెడ్డి శనివారం ప్రకటించారు. మొన్నటిదాకా ఉల్లికి ధర బాగానే ఉన్నా, రైతుల చేతికి పంట విరివిగా రాగానే టన్ను ధర నాలుగు వేలకు పడిపోయిందన్నారు.

విజయవాడ, సెప్టెంబర్ 9: రాష్ట్రంలో అనధికారికంగా నిర్వహిస్తున్న వ్యవసాయ కళాశాలలపై చర్యలు తీసుకోవాలని రాష్ట్ర మంత్రిమండలి నిర్ణయించింది. గిరిజన ప్రాంతంలో ప్రాథమిక ఆరోగ్య కేంద్రాలు ఇకపై 24 గంటలూ తెరచి ఉండేలా చర్యలు తీసుకోవాలని నిర్ణయించింది. తూర్పుగోదావరి జిల్లా తొండంగి మండలం కోన గ్రామంలోని క్యాప్టీవ్ పోర్టును స్విస్ ఛాలెంజ్ విధానంలో కమర్షియల్ పోర్టుగా మార్చే ప్రతిపాదనను ఆమోదించింది.

విజయవాడ, సెప్టెంబర్ 9: బ్యాంకు రిక్రూట్‌మెంట్ బోర్డు, రైల్వే రిక్రూట్‌మెంట్ బోర్డులు నిర్వహించిన ఎంపిక పరీక్షలు రాసేందుకు వెళ్లిన తెలుగు రాష్ట్రాల యువతపై బెంగళూరు, హుబ్లీ పట్టణాల్లో కన్నడిగులు దాడులకు తెగబడ్డారు. కర్నాటక వచ్చి పరీక్షలు రాస్తే ఇక్కడి వారు ఏం కావాలంటూ కన్నడ సంఘాల ప్రతినిధులు దాడులకు దిగడంతో ఆంధ్ర, తెలంగాణ అభ్యర్థులు భయబ్రాంతులయ్యారు.