అమరావతి, జూన్ 29: ఒకేరోజు కోటి మొక్కలు నాటే మహా యజ్ఞానికి రాష్ట్ర ప్రభుత్వం ముహూర్తం ఖరారు చేసింది. జూలై 1న రాష్ట్ర వ్యాప్తంగా కోటి మొక్కలు నాటేందుకు ‘వనం- మనం’ కార్యక్రమాన్ని విస్తృత స్థాయిలో చేపట్టాలని ముఖ్యమంత్రి చంద్రబాబునాయుడు అధికారులను ఆదేశించారు.

హైదరాబాద్, జూన్ 29: విశాఖపట్టణంలోని స్కూళ్లకు హార్టువేర్ , సాఫ్ట్‌వేర్ శిక్షణ, సర్ట్ఫికేషన్‌తో పాటు పాఠశాలలకు సాఫ్ట్‌వేర్‌ను, సమగ్ర విద్యా పరిష్కారాలను అందించేందుకు గూగుల్ భాగస్వామి ఐఎల్ అండ్ ఎఫ్‌ఎస్ ఎడ్యుకేషన్ అండ్ టెక్నాలజీ సర్వీసెస్‌తో గ్రేటర్ విశాఖ స్మార్టు సిటీ కార్పొరేషన్ లిమిటెడ్ ఒప్పందాన్ని కుదుర్చుకుంది. ఈ ఒప్పందం మూడేళ్ల పాటు అమలులో ఉంటుంది.

హైదరాబాద్, జూన్ 28: తెలంగాణలో ఇకపై బోర్‌బావుల మరణాలు లేకుండా చూస్తామని రాష్ట్ర పంచాయతీరాజ్ మంత్రి జూపల్లి కృష్ణారావు ప్రకటించారు. బోర్‌బావుల తీరుతెన్నులపై పంచాయతీరాజ్, రెవెన్యూ, భూగర్భ జలశాఖ అధికారులతో బుధవారం రాష్ట్ర సచివాలయంలో సమీక్ష నిర్వహించారు. బోర్‌బావుల్లో పడి చిన్నారులు మరణిస్తుండటం తన మనస్సును కలిచివేసిందని, భవిష్యత్తులో అలాంటి మరణాలు ఉండకూడదన్నారు.

హైదరాబాద్, జూన్ 28: పరిపాలనా వ్యవస్థలో స్టేట్, జోనల్, డిస్ట్రిక్ట్ మూడంచెల వ్యవస్థకు స్వస్థిపలికి స్టేట్, డిస్ట్రిక్ట్‌గా రెండంచెల వ్యవస్థ రూపొందించడానికి ప్రభుత్వం కసరత్తు ప్రారంభించింది. జోనల్ వ్యవస్థ రద్దుకు ఇటీవల జరిగిన మంత్రిమండలి సిఫారసు చేయడంతోపాటు రెండంచెల వ్యవస్థ రూపకల్పనకు ప్రభుత్వ ప్రధాన కార్యదర్శి నేతృత్వంలో కమిటీ ఏర్పాటు చేసిన విషయం తెలిసిందే.