నిజామాబాద్, జూన్ 25: నిజామాబాద్ జిల్లా కేంద్రంతో పాటు సైబరాబాద్ కమిషనరేట్ పరిధిలో చోరీలకు పాల్పడిన అంతర్రాష్ట్ర దొంగల ముఠాను నిజామాబాద్ పోలీసులు చాకచాక్యంగా పట్టుకున్నారు. ఢిల్లీ, రాజస్థాన్, ఉత్తర్‌ప్రదేశ్ రాష్ట్రాలకు చెందిన ఐదుగురు సభ్యులు ముఠాగా ఏర్పడి సుదూర ప్రాంతాల నుండి ఇక్కడికి వచ్చి భారీ ఎత్తున దొంగతనాలకు పాల్పడడం, సొత్తును తస్కరించిన మీదట దర్జాగా కారులో పారిపోయేవారని నిర్ధారణ అయింది.

హైదరాబాద్, జూన్ 25: వచ్చే ఏడాది నుంచి రైతులకు ఉచితంగా పెట్టుబడిని సమకూర్చడానికి సుమారు రూ. 7నుంచి 8వేల ఖర్చు అవుతుందని ప్రభుత్వం అంచనా వేస్తోంది. ఇది రైతులకు నాలుగు విడతలలో మాఫీ చేసిన పంట రుణం కంటే ఏడాదికి సుమారు రూ. 3వేల కోట్లు ఎక్కువ. రైతలకు పంట రుణమాఫీ కోసం నాలుగు విడతలకు కలిపి ప్రభుత్వానికి రూ.17వేల కోట్లు ఖర్చు కాగా, ఉచిత పెట్టుబడికిగాను ఐదు సంవత్సరాల వ్యవధిలో దాదాపు రూ.

హైదరాబాద్/శంషాబాద్, జూన్ 25: హీరో రవితేజ సోదరుడు, నటుడు భూపతిరాజు భరత్ దుర్మరణం చెందా రు. హైదరాబాద్ ఔటర్ రింగ్‌రోడ్డుపై ఆదివారం తెల్లవారుజామున జరిగిన రోడ్డు ప్రమాదంలో ఆయన ప్రాణాలు కోల్పోయారు. శనివారం రాత్రి నోవాటెల్ హోటల్‌లో స్నేహితులతో ఓ పార్టీకి హాజరైన భరత్ జూబ్లీహిల్స్‌లోని తన ఇంటికి తిరిగి వెళుతుండగా కొత్వాల్‌గూడ వద్ద బ్రేక్ ఫెయిలయి ఆగి ఉన్న ఓ లారీని బలంగా ఢీకొట్టడంతో ప్రమాదం సంభవించింది.

తిరుపతి, జూన్ 25: సుప్రీంకోర్టు ప్రధాన న్యాయమూర్తి జస్టిస్ జగదీష్ సింగ్ ఖేహర్ కుటుంబ సమేతంగా ఆదివారం తెల్లవారుజామున తిరుమల శ్రీ వేంకటేశ్వర స్వామికి జరిగిన సుప్రభాత సేవలో పాల్గొని స్వామివారిని దర్శించుకున్నారు. అనంతరం తిరుపతికి చేరుకుని తిరుచానూరు శ్రీ పద్మావతి అమ్మవారిని దర్శించుకున్నారు. ఈ సందర్భంగా టిటిడి ఇఓ అనిల్‌కుమార్ సింఘాల్, జెఇఓ శ్రీనివాసరాజు ఆయనకు స్వాగతం పలికి దర్శన ఏర్పాట్లు చేశారు.