హైదరాబాద్, జూన్ 27: దివ్యాంగుల కోటా కింద తప్పుడు సర్ట్ఫికెట్‌తో పబ్లిక్ సర్వీస్ కమీషన్ పరీక్షల్లో మూడవ ర్యాంక్ సాధించారని రోణంకి గోపాలకృష్ణపై దాఖలైన పిల్‌కు వివరణ ఇవ్వాలని యూనియన్ పబ్లిక్ సర్వీస్ కమీషన్‌కు హైకోర్టు నోటీసు జారీ చేసింది. ఇటీవల నిర్వహించిన పబ్లిక్ సర్వీస్ కమీషన్ పరీక్షల్లో రోణంకి గోపాలకృష్ణ అఖిల భారత స్థాయిలో మూడవ ర్యాంకు సాధించారు.

న్యూఢిల్లీ, జూన్ 26: స్వచ్ఛ భారత్ కార్యక్రమంలో భాగంగా బిజెవైఎం కార్యవర్గ సభ్యుడు అడారి కిషోర్ కుమార్ నేతృత్వంలో ఏపీ భవన్ అధికారులతో కలసి పరిసరాలను శుభ్రం చేశారు. అనంతరం అడారి కిషోర్ కుమార్ మాట్లాడుతూ స్వచ్ఛ్భారత్ కార్యక్రమాన్ని నిర్విరామంగా 135వ రోజు సోమవారం ఢిల్లీలోని ఉమ్మడి భవన్‌లో కొనసాగించినట్టు తెలిపారు.

హైదరాబాద్, జూన్ 26: అనారోగ్యానికి గురై ‘కేర్’ ఆసుపత్రిలో చికిత్స పొందుతున్న పద్మశ్రీ అవార్డు గ్రహీత, వనజీవి రామయ్యను ఆంధ్ర ప్రదేశ్ రాష్ట్ర ముఖ్యమంత్రి చంద్రబాబు నాయుడు పరామర్శించారు. సోమవారం చంద్రబాబు పలువురు టి.టిడిపి ముఖ్య నేతలతో కలిసి ‘కేర్’ ఆసుపత్రికి వెళ్ళారు. ఈ సందర్భంగా చంద్రబాబు ఆయనకు ఐదు లక్షల రూపాయల ఆర్థిక సహాయంగా చెక్కును అందజేశారు.

రంజాన్ (ఈద్-ఉల్-్ఫతర్) పర్వదినాన్ని సోమవారం ముస్లింలు ఘనంగా జరుపుకున్నారు. హైదరాబాద్‌లోని మసీదులు, ఈద్గాలు కిటకిటలాడాయి. ప్రార్థనల అనంతరం ముస్లింలకు హిందువులు శుభాకాంక్షలు తెలిపారు.