హైదరాబాద్/ విశాఖపట్నం, మే 4: తెలంగాణ, ఏపీలో సాగునీటి ప్రాజెక్టుల నిర్మాణం సజావుగా సాగేందుకు జగడాలు మానుకుని, సజావుగా చర్చించుకుందాం అంటూ తెలంగాణ నీటి పారుదల మంత్రి హరీశ్‌రావు చేసిన ప్రతిపాదనకు ఏపీ నీటిపారుదల మంత్రి దేవినేని ఉమామహేశ్వరరావు సానుకూలంగా స్పందించారు. హరీశ్‌రావు బుధవారం దేవినేనికి ఫోన్ చేసి ప్రాజెక్టులపై మాట్లాడారు. హరీశ్‌రావుతో దేవినేని సుహృద్భావంగానే మాట్లాడారని తెలిసింది.

హైదరాబాద్, మే 4: ఆంధ్రప్రదేశ్‌లో 25 మంది సీనియర్ ఐపిఎస్ అధికారులను ప్రభుత్వం బుధవారం బదిలీ చేసింది. మరో ఐదుగురిని డిజిపికి రిపోర్టు చేయాల్సిందిగా ఆదేశించింది. విజిలెన్స్ అండ్ ఎన్‌ఫోర్సుమెంట్ డైరెక్టర్ జనరల్‌గా వ్యవహరిస్తున్న ఎ ఆర్ అనురాధను ప్రభుత్వం హోం శాఖ ముఖ్య కార్యదర్శిగా నియమించింది. ఆమె విజిలెన్స్ విభాగానికి పూర్తి అదనపు బాధ్యతలు సైతం నిర్వహించనున్నారు.

మాచర్ల, మే 2: రాష్ట్రంలో తీవ్ర కరవు పరిస్థితులు తాండవిస్తున్న తరుణంలో ప్రజలను అన్ని విధాలా ఆదుకోవాల్సిన ప్రభుత్వం నిమ్మకు నీరెత్తినట్లుగా వ్యవహరిస్తోందని వైఎస్సార్ కాంగ్రెస్ పార్టీ అధ్యక్షుడు, ప్రతిపక్ష నేత వైఎస్ జగన్‌మోహన రెడ్డి విమర్శించారు. సోమవారం గుంటూరు జిల్లా మాచర్లలో నిర్వహించిన ‘కరవు దీక్ష’లో ఆయన ప్రజలనుద్దేశించి ప్రసంగించారు.

తిరుమల, మే 3: టిటిడికి విరాళాలు అందిస్తున్న దాతలకు పారదర్శకంగా సదుపాయాలు కల్పించడంలో భాగంగా ఎస్‌ఎంఎస్ అలర్ట్ పంపేందుకు అప్లికేషన్ రూపొందించాలని టిటిడి ఇ ఒ డాక్టర్ డి.సాంబశివరావు అధికారులను ఆదేశించారు. తిరుమల్లోని అన్నమయ్య భవనంలో మంగళవారం సీనియర్ అధికారులతో ఆయన సమావేశమయ్యారు.