హైదరాబాద్ : ఆంక్షలు, అరెస్టుల నేపథ్యంలో హాస్టల్‌లోనే బీఫ్ ఫెస్టివల్‌ను జరుపుకున్నామని ప్రజాస్వామిక సాంస్కృతిక వేదిక వెల్లడించింది. దీనికి సంబంధించిన వీజువల్స్‌ను,్ఫటోలను మీడియాకు పంపింది. మరోవైపు విద్యార్థులను హాస్టళ్ల నుంచి బయటకు రాకుండా ఎక్కడకక్కడ పోలీసులు మోహరించి అడ్డుకున్నారు.

హైదరాబాద్ : బీఫ్ ఫెస్టివల్‌ను నిరసిస్తూ శివసేన కార్యకర్తలు ఓయూ పోలీసు స్టేషన్ వద్ద ధర్నా నిర్వహించారు. పోలీసులు వీరిని అరెస్టు చేశారు. అలాగే ఎన్‌సిసి గేటు వద్ద వీహెచ్‌పి, బిజెవైఎం, గోసంరక్షణ కమిటీ సభ్యులను కూడా పోలీసులు అరెస్టు చేశారు. ఓయూ రహదారులన్నింటినీ మూసివేశారు.

హైదరాబాద్: శీతాకాల విడిదిలో భాగంగా భారత రాష్ట్రపతి ప్రణబ్ ముఖర్జీ నగరానికి రానున్న నేపధ్యంలో తెలంగాణ రాష్ట్ర ప్రధాన కార్యదర్శి రాజీవ్ శర్మ సచివాలయంలో గురువారం సమీక్ష సమావేశం నిర్వహించారు. రాష్ట్రపతి పర్యటన, భద్రత అంశాలపై అధికారులతో చర్చించారు. రాష్ట్రపతి ఈ నెల 18 నుంచి 31 వరకు బొల్లారంలోని అతిథి గృహంలో బస చేయనున్నారు.

హైదరాబాద్, డిసెంబర్ 9: ఆంధ్ర రాష్ట్రంలో సిమెంట్ పరిశ్రమ అభివృద్ధిలో భాగంగా కర్నూలు జిల్లాలో సంజామల, కొలిమిగుండ్ల మధ్య 40 కి.మీ రైలు మార్గం వేసేందుకు వెంటనే భూసేకరణ పనులు చేపట్టాలని ప్రభుత్వ ప్రధాన కార్యదర్శి ఐవైఆర్ కృష్ణారావు జిల్లా కలెక్టర్‌ను ఆదేశించారు. బుధవారం ఆయన ఇక్కడ సచివాలయంలో సిమెంట్ పరిశ్రమపై సమీక్షించారు.