హైదరాబాద్‌ : శుక్రవారం కూడా పెట్రోలు ధరలు మండుతోన్నాయి. లీటరు పెట్రోలుపై 28 పైసలు, లీటరు డీజిల్‌ పై 22 పైసల మేరకు ధరను పెంచుతున్నట్టు ప్రభుత్వ రంగ చమురు సంస్థలు శుక్రవారం ప్రకటించాయి. ఢిల్లీలో పెట్రోలు ధర లీటరుకు రూ.81గా ఉంది. డీజిల్‌ ధర రూ.73.30కి చేరుకుంది.పెట్రోలు, డీజిల్‌ ధరల పెంపుపై వినియోగదారులు ఆగ్రహం వ్యక్తం చేస్తున్నారు.

తిరుపతి, సెప్టెంబర్ 12: తిరుమల శ్రీవారి ఆలయంలో తొమ్మిది రోజుల పాటు రంగరంగ వైభవంగా జరుగనున్న శ్రీవారి వార్షిక బ్రహ్మోత్సవాలకు బుధవారం సాయంత్రం శాస్త్రోక్తంగా అంకురార్పణ చేపట్టారు. రాత్రి 7 నుంచి 8గంటల మధ్య సేనాధిపతి ఉత్సవం, వైఖానస ఆగమోక్తంగా అంకురార్పణ ఘట్టం నిర్వహించారు. వైఖానస ఆగమంలో అంకురార్పణ ఘట్టానికి విశేష ప్రాధాన్యతవుంది. విత్తనాలు మొలకెత్తడాన్ని అంకురార్పణ అంటారు.

సంగారెడ్డి: కాంగ్రెస్ పార్టీ అధికారంలోకి రాగానే సీఎం కేసీఆర్ అంతు చూస్తామని తెలంగాణ ప్రదేశ్ కాంగ్రెస్ అధ్యక్షులు ఉత్తమ్‌కుమార్‌రెడ్డి హెచ్చరించారు. బుధవారం సంగారెడ్డిలో నిర్వహించిన ముస్లిం మైనార్టీ గర్జన సభకు ఆయన ముఖ్య అతిథిగా హాజరై కేసీఆర్ అనుసరిస్తున్న తీరుపై ఆగ్రహం వ్యక్తం చేసారు. పోలీసులను అడ్డం పెట్టుకుని అణచివేత కార్యక్రమాలకు పాల్పడుతున్నారని మండిపడ్డారు.

ఏలూరు, సెప్టెంబర్ 12: పోలవరం ప్రాజెక్టు రాష్ట్రానికి జీవనాడి మాత్రమే కాదని, అది అయిదుకోట్ల ప్రజల కలల జలసౌధమని, రాయలసీమ రత్నాభరణమని, ఉత్తరాంధ్ర ఆశాకిరణమని, ఇంతటి కీలకమైన ప్రాజెక్టును 2019 నాటికల్లా పూర్తిచేసి తీరుతామని ముఖ్యమంత్రి చంద్రబాబునాయుడు పునరుద్ఘాటించారు.