విజయవాడ, మే 3: రాజధాని అమరావతిలో వౌలిక సదుపాయాల పనులను, చేపట్టిన వివిధ ప్రాజెక్టులను నిర్దేశిత కాల వ్యవధిలో పూర్తిచేయాలని ముఖ్యమంత్రి చంద్రబాబునాయుడు ఆదేశించారు. ఇది చాలా కీలకమైన సమయమని, ప్రారంభించిన పనులు సకాలంలో పూర్తిచేయకుంటే సమస్యలు వస్తాయని హెచ్చరించారు.

రాజమహేంద్రవరం, మే 3: గోదావరి జిల్లాల రైతాంగాన్ని నీటి గండం వెంటాడుతోంది. దాళ్వా సాగు పూర్తయ్యేవరకు నీటి గండం వెంటాడగా, పంట చేతికొచ్చే ప్రస్తుత తరుణంలో భారీ వర్షాలు రైతులకు కంటిమీద కునుకు లేకుండా చేస్తోంది. గోదావరిలో సహజ నీటి లభ్యత దారుణంగా పడిపోవడంతో దాళ్వాలో అత్యంత సంక్లిష్ట పరిస్థితులు ఎదురై సంగతి విదితమే.

విజయవాడ, మే 3: రాష్ట్రంలోని వివిధ బి.ఎడ్ కళాశాలల్లో ప్రవేశాలకు సంబంధించి నిర్వహించిన ఎడ్‌సెట్ ఫలితాలు విడుదలయ్యాయి. వెలగపూడి సచివాలయంలో రాష్ట్ర మానవ వనరుల అభివృద్ధి శాఖ మంత్రి గంటా శ్రీనివాసరావు గురువారం ఫలితాలను వెల్లడించారు. ఈ ఏడాది ఎడ్‌సెట్‌ను శ్రీవెంకటేశ్వర వర్సిటీ నిర్వహించింది. ఆన్‌లైన్‌లో గత నెల 19న పరీక్ష నిర్వహించారు. 8697 మంది పరీక్షకు రిజిస్టర్ చేసుకోగా, 7679 మంది హాజరయ్యారు.

విశాఖ: మరోవైపు ఆంధ్రప్రదేశ్‌లోనూ భారీ వర్షాలు పడుతోన్న విషయం తెలిసిందే. రాష్ట్రవ్యాప్తంగా గురువారం ఉదయం నుంచి ఈదురుగాలులతో కూడిన భారీ వర్షం పడింది. శ్రీకాకుళం, విశాఖ, కృష్ణా, తూర్పు గోదావరి, పశ్చిమ గోదావరి, గుంటూరు జిల్లాల్లో భారీ వర్షాలు పడడంతో రోడ్లన్ని జలమయమయ్యాయి. గుంటూరు జిల్లాలో భారీగా ఈదురుగాలు వీస్తుండటంతో పిడుగులు పడే ‍ప్రమాదముందని వాతావరణశాఖ హెచ్చరించింది.