పార్వతీపురం: మాజీ ఎమ్మెల్యే శత్రుచర్ల చంద్రశేఖరరాజు.. వైసీపీకి గుడ్‌బై చెప్పి తెలుగుదేశం పార్టీలో చేరారు. పార్వతీపురంలో మంత్రి నారా లోకేశ్ సమక్షంలో టీడీపీలో చేరారు. చంద్రశేఖరరాజుకు లోకేశ్ కండువా కప్పి పార్టీలోకి ఆహ్వానించారు. ఈ కార్యక్రమంలో కేంద్ర మాజీ మంత్రి అశోక్ గజపతి రాజుతో పాటు పలువురు జిల్లా నేతలు పాల్గొన్నారు.

నెల్లూరు: అనారోగ్యంతో చనిపోయిన టీడీపీ నేత ఆనం వివేకానందరెడ్డి భౌతికకాయానికి ముఖ్యమంత్రి చంద్రబాబు నాయుడు నివాళులర్పించారు. సోదరుడు ఆనం రామనారాయణరెడ్డిని, కుటుంబసభ్యులను పరామర్శించారు. సాయంత్రం అధికార లాంఛనాలతో పెన్నా తీరంలో ఆనం వివేకానందరెడ్డి అంత్యక్రియలు జరుగనున్నాయి.

కాకినాడ, ఏప్రిల్ 25: రెండు తెలుగు రాష్ట్రాల్లో నాలుగు రోజులపాటు నిర్వహించిన ఏపీ ఎంసెట్-2018 బుధవారంతో ముగిసింది. ఈ నెల 22,23,24 తేదీల్లో ఇంజనీరింగ్ పరీక్షలు నిర్వహించగా, చివరి రోజైన బుధవారం అగ్రికల్చర్, మెడిసిన్ కోర్సుల్లో ప్రవేశాలకు పరీక్షలు విజయవంతంగా నిర్వహించినట్టు ఎంసెట్ కన్వీనర్ డాక్టర్ సిహెచ్ సాయిబాబు చెప్పారు.

హైదరాబాద్, ఏప్రిల్ 25: ఆర్‌జీయుకేటీ ఆధ్వర్యంలో బాసర ట్రిపుల్‌ఐటిలో అడ్మిషన్లకు ఈ నెల 26న నోటిఫికేషన్ చేయనున్నారు. పదో తరగతి మెరిట్ మార్కులతో ఉత్తీర్ణులైన విద్యార్థులకు ఆరే ళ్ల ఇంటిగ్రేటెడ్ ఇంజనీరింగ్ కోర్సులో చేరేందుకు ఈ నోటిఫికేషన్ జారీ చేయనున్నారు. మండలాల వారీ రోస్టర్ ఆధారంగా మెరిట్ విద్యార్థులను చే ర్చుకుంటారు. ఆన్‌లైన్‌లో ఈ నెల 28 నుండి జూ న్ 1వ తేదీ వరకూ దరఖాస్తులను స్వీకరిస్తారు.