హైదరాబాద్: సాగునీటి రంగ నిపుణులు ఆర్ విద్యాసాగర్ రావు ప్రథమ వర్థంతికి సీఎం కేసీఆర్ హాజరయ్యారు. రామంతపూర్‌లోని హోటల్ భద్ర గ్రాండ్‌లో విద్యాసాగర్ రావు వర్థంతిని నిర్వహించారు. ఈ సందర్భంగా కేసీఆర్.. విద్యాసాగర్ రావు చిత్రపటానికి నివాళులర్పించారు. ఈ కార్యక్రమంలో మంత్రులు హరీశ్ రావు, జగదీశ్ రెడ్డి, ఎంపీలు సుమన్, నర్సయ్యగౌడ్, ఎమ్మెల్సీ పల్లా రాజేశ్వర్ రెడ్డి పాల్గొన్నారు.

హైదరాబాద్:సినిమా రంగంలో ఇటీవల చోటుచేసుకుంటున్న పరిణామాలు బాధ కలిగిస్తున్నాయని ప్రముఖ నిర్మాత అల్లు అరవింద్ పేర్కొన్నారు. ఆయన గురువారంనాడు మీడియాతో మాట్లాడుతూ సినీ ఇండస్ట్రీ అంటే ఎంతో గౌరవమని, తల్లిలాంటిదని పేర్కొన్నారు. ఈ పరిణామాలపై ఎన్జీఓలు,మహిళలతో కలిసి ఓ కమిటీని ఏర్పాటుచేయబోతున్నామని, వేధింపులపై ఫిర్యాదులు వస్తే ఈ కమిటీ విచారించి చర్యలు తీసుకుంటుందని తెలిపారు.

అమరావతి: విభజన చట్టంలోని హామీలను అమలు చేయాలని కోరుతూ ఏపీ ముఖ్యమంత్రి చంద్రబాబు నాయుడు చేస్తున్న ఒక్కరోజు దీక్షకు సంబంధించిన ఏర్పాట్లను దేవినేని ఉమామహేశ్వరరావు తదితర మంత్రులు పర్యవేక్షించారు. బాబు దీక్షకు మద్దతుగా మంత్రులు, ఎమ్మెల్యేలు దీక్ష చేస్తారని, తెలుగోడి సత్తా ఢీల్లీకి చాటుతామని వెల్లడించారు.

హైదరాబాద్:్ఢల్లీ వెళ్లి తమ పార్టీ అధ్యక్షుడురాహుల్ గాంధీని కలుస్తానని కాంగ్రెస్ శాసనసభ్యుడు కోమటిరెడ్డి తెలిపారు. ఆయన గురువారంనాడు మీడియాతో మాట్లాడుతూ వందమంది కేసీఆర్‌లు వచ్చినా తనను ఏమీ చేయలేరని అన్నారు. రైతుల కోసం పోరాడినందుకు నన్ను అసెంబ్లీ నుంచి బహిష్కరించారని ఆయన ఆరోపించారు.