గుంటూరు:కేంద్రం తీరును నిరసనగా ఆంధ్రప్రదేశ్ స్పీకర్ కోడెల శివప్రసాద్ తలపెట్టిన స్పీకర్ సైకిల్ ర్యాలీలో అపశృతి చోటు చేసుకుంది. యలమందల వద్ద సైకిల్ తొక్కుతూ స్పీకర్ కిందపడిపోయారు. దీంతో ఆయన తలకు స్వల్ప గాయమైంది. స్పీకర్ సైకిల్ యాత్రను కొనసాగిస్తున్నారు. వేలాది మందితో భారీ సైకిల్ ర్యాలీని నిర్వహించారు. కేంద్రం దిగి వచ్చే వరకు తమ పోరాటం ఆగదని స్పీకర్ కోడెల శివప్రసాద్ స్పష్టం చేశారు.

అమరావతి: ఉండవల్లి సీఎం గ్రీవెన్స్‌ హాల్‌లో మంత్రులతో ముఖ్యమంత్రి చంద్రబాబు నాయుడు సమావేశమయ్యారు. దీక్షలు, రేపటి కార్యక్రమాలపై ప్రధానంగా చర్చించనున్నారు. మంత్రులు కళా వెంకట్రావు, దేవినేని ఉమ, నారా లోకేష్‌, నక్కా ఆనంద్‌బాబు, కొల్లు రవీంద్ర సమావేశంలో పాల్గొన్నారు.

హైదరాబాద్, ఏప్రిల్ 18: దక్షిణ మధ్య రైల్వే 2017-18లో ఉత్తమ పనితీరుకు జాతీయ స్థాయిలో అత్యున్నత గౌరవం లభించింది. ప్రతిష్టాత్మక పండిత్ గోవింద్ బల్లబ్ పంత్ షీల్డులతో పాటు వివిధ విభాగాల్లో ఉత్తమ పనితీరు కనబర్చినందుకు గాను దేశంలోని 17 రైల్వే జోన్లలో దక్షిణ మధ్య రైల్వే జోన్ 17 షీల్డ్‌లను సొంతం చేసుకుంది. ఈ 17లో 6 సామర్ధ్య షీల్డులను సాధించి ఇతర జోన్‌లకు ఆదర్శంగా నిలిచింది.

హైదరాబాద్, ఏప్రిల్ 18: జూన్ నుంచి కొత్త రిజిస్ట్రేషన్ విధానాన్ని అమలులోకి తీసుకరానున్నట్టు సీఎం కె చంద్రశేఖర్‌రావు ప్రకటించారు. రిజిస్ట్రేషన్ విధానంతోపాటు భూ లావాదేవీలను ఎప్పటికప్పుడు ఆన్‌లైన్‌లో నమోదు చేయడానికి ‘్ధరణి’ వెబ్‌సైట్‌నూ అప్పటి నుంచే అందుబాటులోకి తెస్తున్నట్టు వెల్లడించారు.