చిత్రం: వైశాఖ శుద్ధ తృతీయ పర్వదినం సందర్భంగా బుధవారం సింహాచలంలోని శ్రీ వరాహలక్ష్మీనృసింహస్వామి
భక్తకోటికి నిజరూపంలో దర్శనమిచ్చారు. వరాహ వదనంతో, మానవ శరీరంతో, సింహవాలంతో విలక్షణ మూర్తిగా దర్శనమిచ్చిన స్వామిని కనులారా వీక్షించిన భక్తులు పరవశించిపోయారు. చందనోత్సవం సందర్భంగా స్వామివారికి పట్టు వస్త్రాలు తీసుకొస్తున్న అనువంశిక ధర్మకర్త పూసపాటి అశోక్‌గజపతిరాజు.

విజయవాడ, ఏప్రిల్ 18: ప్రత్యేక హోదా సాధన కోసం ఢిల్లీలో నిరాహార దీక్ష చేసి విజయవాడకు చేరుకున్న వైకాపా ఎంపీలతో పార్టీ అధినేత జగన్ బుధవారం సమావేశమయ్యారు. హోదా సాధనకు భవిష్యత్తులో అనుసరించాల్సిన కార్యాచరణపై ఈ సందర్భంగా చర్చించారు. విమానాశ్రయం నుంచి జగన్ పాదయాత్ర చేస్తున్న నూజివీడు నియోజకవర్గానికి ఎంపీలు చేరుకున్నారు. శోభాపురం వద్ద ఎంపీలతో జగన్ భేటీ అయ్యారు.

విజయనగరం, విశాఖపట్నం, ఏప్రిల్ 18: విజయనగరం జేసీ-2గా పనిచేస్తున్న కాకర్ల నాగేశ్వరరావు, ఆయన బంధువుల ఇళ్లపై బుధవారం ఏకకాలంలో ఏసీబీ అధికారులు జరిపిన దాడిలో సుమారు రూ.30 కోట్ల విలువైన ఆస్తులు, బంగారం లభ్యమయ్యాయి. ఏసీబీ అధికారులు మాత్రం డాక్యుమెంట్ల విలువ రూ.5 కోట్లుగా చెబుతున్నారు. మార్కెట్ విలువ దీనికి ఆరింతలు ఎక్కువ ఉన్న మాట వాస్తవం.

భద్రాచలం: కేసీఆర్‌కు ప్రజలు గుణపాఠం చెప్పే రోజులు దగ్గరలోఉన్నాయని మాజీ మంత్రి, ఎమ్మెల్యే కోమటిరెడ్డి వెంకటరెడ్డి అన్నారు. ఇంతకాలం ప్రజలను మోసం చేస్తున్న సీఎం కేసీఆర్‌ చివరకు రామయ్యను మోసం చేసారని రూ.100 కోట్లు కేటాయిస్తామని ఆ విషయాన్ని విస్మరించడం భద్రాద్రి అభివృద్దిపై దృష్టిసారించకపోవడం ఆయనకు భద్రాద్రిపై ఉన్న చిత్తశుద్దిని చెప్పకనే చెబుతోందన్నారు.