హైదరాబాద్, ఏప్రిల్ 20: సీపీఎంలో ఎలాంటి విభేదాలు లేవని పార్టీ పొలిట్‌బ్యూరో సభ్యుడు ప్రకాష్ కారత్ స్పష్టం చేశారు. శుక్రవారం సుందరయ్య విజ్ఞాన కేంద్రంలో మీడియాతో మాట్లాడుతూ రాజకీయ తీర్మానంపై చర్చ ముగిసిందని, పార్టీ ముఖ్య నేతల నుంచి వచ్చిన పలు సవరణలపై విస్తృతంగా చర్చ జరిపామన్నారు. ముఖ్యమైన సవరణలపై ఓటింగ్ నిర్వహించి అనంతరం రాజకీయ ముసాయిదాను వెల్లడిస్తామన్నారు.

ప్రత్యేక హోదా ఇవ్వాల్సిందేనంటూ యావదాంధ్ర దీక్షాకంకణం కట్టుకుంది. కేంద్ర నిర్లిప్త ధోరణిపై నిప్పులు చెరిగింది. ముఖ్యమంత్రి చంద్రబాబు సారథ్యంలో శుక్రవారం జరిగిన ధర్మ పోరాట దీక్షలో పెద్ద సంఖ్యలో పాల్గొన్న జనం రాష్ట్ర ప్రయోజనాలపై రాజీలేదన్న బలమైన సందేశాన్ని అందించారు. మంత్రులు, పార్టీ కార్యకర్తలు, ప్రజలు తండోపతండాలుగా తమతమ ప్రాంతాల్లోని దీక్షా శిబిరాలకు తరలి వచ్చిన జనం కేంద్రంపై రణన్నినాదం చేశారు.

హైదరాబాద్‌: తెలంగాణ సినిమాటోగ్రఫి మంత్రి తలసాని శ్రీనివాస్ యాదవ్‌ను శుక్రవారం మహిళా సంఘాలు కలిశాయి. చిత్ర పరిశ్రమలో సమస్యల పరిష్కారానికి..
హై లెవెల్ కమిటీ ఏర్పాటు చేయాలని విజ్ఞప్తి చేశారు. దీనిపై స్పందించిన మంత్రి... త్వరలో సమావేశం ఏర్పాటు చేస్తామని మహిళా సంఘాలకు హామీ ఇచ్చారు.

హైదరాబాద్: మహిళలకు చంద్రబాబు క్షమాపణ చెప్పాలని జనసేన అధినేత పవన్ కల్యాణ్ డిమాండ్ చేశారు. ఆయన శుక్రవారం జనసేన కార్యాలయంలో లాయర్లతో సమావేశమైన అనంతరం మీడియాతో మాట్లాడుతూ ఆడవాళ్లను అవమానించేందుకే చంద్రబాబుకు ఓటేసిందని విమర్శించారు. సాయంత్రం ఐదు గంటలకు జనసేన కార్యకర్తలు ర్యాలీలు నిర్వహించాలని పిలుపునిచ్చారు.