విజయవాడ: రాష్ట్రంలో 13లక్షల ఎకరాలకు నీరిచ్చామని నీటి పారుదల శాఖా మంత్రి దేవినేని ఉమామహేశ్వరరావు చేసిన ప్రకటన పట్ల వైసీపీ నేత ఆళ్ల నాని ఎద్దేవా చేశారు. ఇంతవరకు ఒక్క ఎకరానికి కూడా నీరివ్వలేదని అన్నారు. జగన్ చేస్తున్న పాదయాత్రకు వస్తున్న జనాన్ని చూస్తుంటే ప్రభుత్వం పట్ల ఎంత వ్యతిరేకత ఉందో అర్థమవుతుందని అన్నారు.

హైదరాబాద్: జనసేన అధినేత పవన్ కల్యాణ్ ప్రభుత్వం తనకు కేటాయించిన గన్‌మెన్లను వెనక్కిపంపారు. కొన్నిరోజుల క్రితం తనకు రక్షణగా గన్‌మెన్లను కేటాయించాలని ఆంధ్రప్రదేశ్ డీజీపీ మాలకొండయ్యకు పవన్ కల్యాణ్ విజ్ఞప్తిచేశారు. పవన్ కోరిక మేరకు నలుగురు గన్‌మెన్లను ప్రభుత్వం కేటాయించింది. ఇద్దరు చొప్పున రెండు షిప్టుల్లో పనిచేసేలా కేటాయించారు.

సింహాచలం : సింహాద్రి అప్పన్న చందనోత్సవం వైభవంగా ప్రారంభమైంది. వైశాఖ శుద్ధ తదియ (అక్షయ తృతీయ)ను పురస్కరించుకుని బుధవారం తెల్లవారుజాము 4 గంటల నుంచి శ్రీ వరాహ లక్ష్మీనృసింహస్వామి దివ్యరూపాన్ని భక్తులు దర్శించుకుని తరిస్తున్నారు. ఆలయ అనువంశిక ధర్మకర్త అశోక్‌ గజపతిరాజు, భార్య సునీలా గజపతిరాజు, సుధా గజపతి రాజు, మాజీ ఎంపీ ప్రదీప్‌ చంద్రదేవ్‌ తదితరులు స్వామివారి తొలి దర్శనాన్ని చేసుకున్నారు.

హైదరాబాద్, ఏప్రిల్ 17: దేశవ్యాప్తంగా పాఠశాల, ఉన్నత పాఠశాల, ప్లస్ టు స్థా యి వరకూ నిర్వహించే బోర్డు పరీక్షల సంస్కరణలకు సీబీఎస్‌ఈ జాతీయ కమిటీని నియమించింది. ఈ కమిటీ మే 31 నాటికి తొలి నివేదిక ఇవ్వనుంది. ఈ నివేదిక ప్రాతిపదికగా కొన్ని సంస్కరణలకు సీబీఎస్‌ఈ నడుం బిగిస్తోంది. ఇవే సంస్కరణలను రాష్ట్రాలకు సైతం సిఫార్సు చేసి వా టి అమలుకు సూచనలు చేయనుంది.