న్యూఢిల్లీ, ఏప్రిల్ 20: ధర్మపోరాట దీక్ష పేరుతో ముఖ్యమంత్రి చంద్రబాబు నాయుడు ఏపీ ప్రజలను తప్పుదోవ పటిస్తున్నారని బీజేపీ ఎమ్మెల్యే ఆకుల సత్యనారాయణ అన్నారు. ఢిల్లీలో ఆకుల విలేఖరులతో మాట్లాడుతూ ముఖ్యమంత్రి అవినీతి నిర్మూలన కోసం దీక్ష చేయాలన్నారు. ప్రధాని నరేంద్ర మోదీపై ఎమ్మెల్యే బాలకృష్ణ చేసిన వ్యా ఖ్యలు సంస్కారహీనంగా ఉన్నాయని మండిపడ్డా రు.

హైదరాబాద్, ఏప్రిల్ 20: అంబేద్కర్ ఓపెన్ వర్శిటీని హైటెక్ బాటలోకి తీసుకువెళ్తున్నట్టు వైస్ ఛాన్సలర్ ప్రొ. కే సీతారామారావు తెలిపారు. అంబేద్కర్ సార్వత్రిక విశ్వవిద్యాలయం 22వ స్నాతకోత్సవం లో వైస్ ఛాన్సలర్ ప్రొ. కే సీతారామారావు మాట్లాడారు. తెలంగాణలో కొత్తగా ఏర్పాటు చేసిన జిల్లాల్లో మరో 10 ప్రాంతీయ సమన్వయ కేంద్రాలను ఏర్పాటు చేయాలని ప్రయత్నిస్తున్నట్టు సీతారామారావు తెలిపారు.

హైదరాబాద్, ఏప్రిల్ 20: హైదరాబాద్ సచివాలయంలో ఆంధ్రాకు కేటాయించిన సచివాలయ భవనాలను తమకు ఇస్తే ఉపయోగించుకుంటామని, ఈ విషయమై సానుకూలంగా స్పందించాలని తెలంగాణ ప్రభుత్వం కోరనుంది. గతంలో తెలంగాణ ప్రభుత్వం సచివాలయంలో ఖాళీగా ఉన్న ఆంధ్ర సచివాలయ భవనాలను తమకు ఇవ్వాలని కోరగా, ఇంతవరకు ఏపీ ప్రభుత్వం ఎటువంటి నిర్ణయం తీసుకోలేదు.

హైదరాబాద్, ఏప్రిల్ 20: సీపీఎం పార్టీ జాతీయ మహాసభల సందర్భంగా రాజకీయ తీర్మానంపై జరిగిన చర్చలో చివరి నిమిషంలో ఏచూరి తన పట్టు నెగ్గించుకున్నారు. పార్టీ 22వ జాతీయ మహాసభల సందర్భంగా అతి కీలకమైన రాజకీయ తీర్మానాన్ని ప్రకాష్ కారత్ ప్రవేశపెట్టా రు. ఆర్‌ఎస్‌ఎస్ కనుసన్నల్లో దేశాన్ని పాలిస్తున్న బీజేపీని గద్దె దించడమే ప్రధాన అజెండాగా ప్రవేశపెట్టిన రాజకీయ తీర్మాణంపై మహాసభల్లో సుదీర్ఘంగా చర్చించారు.