హైదరాబాద్:విధుల్లోకి చేరాలని వచ్చిన ఆర్టీసీ కార్మికులను పోలీసులు అదుపులోకి తీసుకుంటున్నారు. దీంతో తెలంగాణలోని పలు డిపోల్లో ఉద్రిక్తత పరిస్థితులు ఏర్పడ్డాయి. నర్సంపేట డిపోలో 16మంది కార్మికులను అరెస్టు చేశారు. బాన్సువాడ డివిజన్ కేంద్రంలో డిపోల్లోకి వెళుతున్న కార్మికులను అడ్డుకున్నారు. హైదరాబాద్ నగరంలో ఎలాంటి అవాంచనీయ సంఘటనలు జరుగకుండా పోలీసు బందోబస్తు ఏర్పాటుచేశారు.

హైదరాబాద్, నవంబర్ 24: గీత కార్మికుల సంక్షేమం, అభివృద్ధి కోసం ప్రతిష్టాత్మకంగా నీరా పాలసీని సీఎం కేసీఆర్ ప్రకటించారని రాష్ట్ర అబ్కారీ, క్రీడా, పర్యాటక, సాంస్కృతిక శాఖ మంత్రి వీ.శ్రీనివాస్ గౌడ్ తెలిపారు. రాష్ట్రంలో కుల వృత్తులకు పూర్వవైభవం తీసుకురావాలన్న లక్ష్యంతోనే అనేక అభివృద్ధి, సంక్షేమ కార్యక్రమాలను ముఖ్యమంత్రి రూపాందించారని మంత్రి తెలిపారు.

హైదరాబాద్, నవంబర్ 24: రాష్ట్రంలో క్రీడల అభివృద్ధికి ముఖ్యమంత్రి కేసీఆర్ ఎంతో కృషి చేస్తూ క్రీడాకారులను ప్రోత్సహిస్తున్నారని రాష్ట్ర క్రీడలు, పర్యాటక, ఎక్సైజ్, సాంస్కృతిక శాఖ మంత్రి వీ.శ్రీనివాస్ గౌడ్ అన్నారు. నగరంలోని పీపుల్స్ ప్లాజా, నెక్లెస్ రోడ్‌లో ఫ్రీడం హైదరాబాద్ 10కె రన్‌ను మంత్రి జెండా ఊపి ప్రారంభించారు.

హైదరాబాద్, నవంబర్ 24: ప్రతి పౌరునికి విద్యా, వైద్యం, ఆహారం, ఇల్లును సమకూర్చే బాధ్యత ప్రభుత్వాలదేనని 12 శతాబ్ధంలోనే బసవేశ్వరుడు చెప్పారని ఆర్థిక మంత్రి తన్నీరు హరీశ్‌రావు అన్నారు. బసవేశ్వరుని బోధనలు ప్రభుత్వాలకు ధిక్సూచి లాంటివని చెప్పారు. బసవేశ్వరుని బోధనలు ఆచారించాలని ముఖ్యమంత్రి కేసీఆర్ ఎప్పుడు ప్రజాప్రతినిధులకు సూచిస్తుంటారని హరీశ్‌రావు అన్నారు.