హైదరాబాద్: మహారాష్టల్రో శివసేన అధికారం కోసం కక్కుర్తి పడిందని కేంద్ర హోం శాఖ సహాయ మంత్రి జీ కిషన్‌రెడ్డి పేర్కొన్నారు. శనివారం నాడు ఆయన రాజధానిలో పలు కార్యక్రమాల్లో పాల్గొన్నారు. ఈ సందర్భంగా ఆయన మాట్లాడుతూ అత్యధిక సీట్లు సాంపాదించినా బీజేపీ ఒంటరిగా ప్రభుత్వం ఏర్పాటు చేయలేకపోయిందని, శివసేన కలిసి వస్తే ప్రభుత్వం ఏర్పాటుచేయాలని చూస్తే అందుకు శివసేన కలిసి రాలేదని అన్నారు.

హైదరాబాద్: తెలంగాణలో పరిశ్రమల ఏర్పాటుకు పెట్టుబడులు వెల్లువెత్తుతున్నాయి. పారిశ్రామిక రంగం అనూహ్యంగా అభివృద్ధి చెందుతోందని కేంద్రం ఆధీనంలోని వార్షిక పరిశ్రమల సర్వేలో పేర్కొంది. ప్రతి ఏడాది వార్షిక పరిశ్రమల సర్వేను నేషనల్ శాంపిల్ సర్వే ఆఫీస్ నిర్వహిస్తుంది. ఈ సర్వే ప్రకారం 2014-15లో రాష్ట్రంలో పరిశ్రమలు 14,427 ఉండగా, 2017-18 నాటికి 15,263కు పెరిగాయి.

హైదరాబాద్: ఆర్టీసీ సమ్మె కొనసాగుతుందని ఆర్టీసీ జేఏసీ చైర్మన్ అశ్వత్థామరెడ్డి తెలిపారు. ఆదివారం డిపోల ఎదుట మానవహారం నిర్వహిస్తామని ప్రకటించారు. రేపు ఎంజీబీఎస్‌లో మహిళా ఉద్యోగుల నిరసన కార్యక్రమాలు చేపడతారని తెలిపారు. ఆర్టీసీ జేఏసీ నిర్ణయాన్ని ఎండీకి పంపిస్తామని, సీఎం కేసీఆర్‌ ఆర్టీసీపై మంచి నిర్ణయం తీసుకుంటారని భావిస్తున్నామన్నారు.

హైదరాబాద్: తెలంగాణలో ఆర్టీసీలోని కొన్ని రూట్ల ప్రైవేటీకరణకు హైకోర్టు గ్రీన్ సిగ్నల్ ఇచ్చింది. దీన్ని వ్యతిరేకిస్తూ దాఖలైన పిటిషన్‌ను కొట్టివేసింది. రాష్ట్రంలో 5,100 రూట్ల ప్రైవేటీకరణను సవాల్ చేస్తూ తెలంగాణ జనసమితి ఉపాధ్యక్షుడు విశే్వశ్వరరావు వేసిన పిటిషన్‌పై నేడు రాష్ట్ర ఉన్నత న్యాయస్థానం తీర్పు ఇచ్చింది. ప్రభుత్వం తరపున అడ్వకేట్ జనరల్ వాదించారు.