కరీంనగర్: హైదరాబాద్‌లో జరిగిన సకల జనుల సమరభేరి సభకు బుధవారం హాజరై గుండెపోటుతో మృతి చెందిన కరీంనగర్ 2-డిపో డ్రైవర్ ఎన్.బాబు మృతదేహం గురువారం కరీంనగర్‌కు చేరుకుంది. ఈ నేపథ్యంలో అఖిలపక్షాలు బంద్‌కు పిలుపునివ్వడం, దీంతో అగ్గి రాజుకొని ఆర్టీసీ కార్మికుల, అఖిలపక్షాల ఆందోళనలు ఉద్ధృతమయ్యాయి. ఇక చావో రేవో తేల్చుకొనేందుకు బాబు ఇల్లు వేదికైంది.

మహబూబ్‌నగర్, అక్టోబర్ 31: మహబూబ్‌నగర్‌లో ఏర్పాటు చేస్తున్న ఐటీ కారిడార్‌లో దేశ విదేశాల్లోని ప్రసిద్ధ పారిశ్రామికవేత్తలతో సంప్రదింపులు జరుపుతున్నామని ఇప్పటికే ముఖ్యమంత్రి కేసీఆర్, ఐటీశాఖ మంత్రి కేటీఆర్ పలువురు పారిశ్రామికవేత్తలతో సంప్రదింపులు చేశారని రాష్ట్ర ఎక్సైజ్‌శాఖ మంత్రి వి.శ్రీనివాస్‌గౌడ్ అన్నారు.

సూర్యాపేట, అక్టోబర్ 31: ఖరీఫ్ సీజన్‌లో రైతులు పండించిన ధాన్యాన్నంతా కొనుగోలు చేసేలా అధికార యంత్రాంగం పకడ్బందీగా ఏర్పాట్లు చేపట్టాలని రాష్ట్ర విద్యుత్‌శాఖ మంత్రి గుంటకండ్ల జగదీశ్‌రెడ్డి ఆదేశించారు. జిల్లాకేంద్రంలోని సీతారామ ఫంక్షన్‌హాల్‌లో ఖరీఫ్ వరి ధాన్యం కొనుగోలుపై గురువారం నిర్వహించిన అవగాహన సదస్సుకు ముఖ్య అతిథిగా మాట్లాడారు.

హైదరాబాద్, అక్టోబర్ 30: ఆర్టీసీ కార్మికుల సమస్యలను తక్షణం ఆమోదించాలని, బస్సుల సమ్మెకు ముఖ్యమంత్రి ముగింపు పలకాలని నిమ్స్‌లో ఐదు రోజులుగా నిరవధిక దీక్ష కొనసాగిస్తున్న సీపీఐ సహాయ కార్యదర్శి కూనంనేని సాంబశివరావు పేర్కొన్నారు. బుధవారం నాడు అనేక మంది వామపక్ష నేతలు కూనంనేనిని కలిసి పరామర్శించారు.