ఖమ్మం: జిల్లాలో సత్తుపల్లి కేంద్రంగా సాగుతున్న దొంగనోట్ల ముఠా గుట్టును రట్టు చేశారు. దాదాపు రూ.7కోట్ల విలువ చేసే నోట్ల కట్టలను స్వాధీనం చేసుకున్నారు. ఈ సందర్భంగా నగర పోలీసు కమిషనర్ ఇక్బాల్ మీడియాతో మాట్లాడుతూ అమాయకులకు డబ్బు ఆశ చూపి ఈ ముఠా తెలంగాణ, ఏపీ, తమిళనాడు రాష్ట్రాల్లో నకిలీ నోట్లను చెలామణి చేస్తుందని అన్నారు.

సిద్దిపేట, నవంబర్ 1 : రాష్ట్రంలో తొలిసారిగా సిద్దిపేట నియోజకవర్గంలో గొర్రెల హాస్టల్స్ నిర్మించామని...ఇదే తరహాలో బర్రెలకు హాస్టల్స్ నిర్మించి ఆదర్శంగా నిలవాలన్నదే తన సంకల్పమని రాష్ట్ర ఆర్థిక శాఖ మంత్రి హరీష్‌రావు వెల్లడించారు. గొర్రెలు, బర్రెల హాస్టల్స్‌కు రెండు ఉద్దేశాలు, లక్ష్యాలున్నాయని, ఈ నిర్మాణాలతో రైతులకు, గ్రామ ప్రజలకు మేలు జరగాలన్నదే ప్రధాన లక్ష్యమని మంత్రి హరీష్‌రావు స్పష్టం చేశారు.

హైకోర్టులో ఆర్టీసీ ఎండీ వాదనలపై ఆర్టీసీ కార్మికుల జాక్ నేతలు తీవ్ర అభ్యంతరం వ్యక్తం చేశారు. ఆర్టీసీ గురించి మాట్లాడకుండా జీహెచ్‌ఎంసీ ఇబ్బందుల్లో ఉం దని చెప్పడం విడ్డూరమని కార్మిక సంఘాల జాక్ కన్వీనర్ అశ్వత్థామరెడ్డి పేర్కొన్నారు. హైకోర్టులో వాదనల సందర్భంగా ఆయన మాట్లాడుతూ ఇప్పటికైనా ప్రభు త్వం కళ్లు తెరవాలని వ్యాఖ్యానించారు. ఇద్దరు ఐఏఎస్ లు ప్రభుత్వం చెప్పింది రాసుకొచ్చారని విమర్శించారు.

హైదరాబాద్, నవంబర్ 1: ఈ ఏడాది అక్టోబర్ నెల వరకు రాష్ట్రంలో కురిసిన భారీ వర్షాలకు సింగరేణిలో బొగ్గు ఉత్పత్తి శాతం తగ్గుముఖం పట్టిందని, దీనిని అధిగమించడానికి యుద్ధప్రాతిపదికన రోజూ 2 లక్షల టన్నుల బొగ్గు ఉత్పత్తి చేపట్టాలని సింగరేణి సంస్థ నిర్ణయించింది. హైదరాబాద్ సింగరేణి భవన్‌లో శుక్రవారం సింగరేణి సీఎండీ ఏరియాలో మేనేజర్లతో ఉన్నతస్థాయి సమావేశం ఏర్పాటు చేశారు.