చౌటుప్పల్, అక్టోబర్ 30: రాష్ట్ర ప్రభుత్వం ప్రతిష్టాత్మకంగా అంతర్జాతీయ ప్రమాణాలతో ఏర్పాటు చేస్తున్న గ్రీన్ ఇండస్ట్రియల్ పార్కు దేశానికే ఆదర్శం కానుందని శాసనమండలి విప్ కర్నె ప్రభాకర్, టీఎస్‌ఐఐసీ చైర్మన్ గ్యాదరి రాజమల్లు అన్నారు. చౌటుప్పల్ మండలం దండుమల్కాపురం శివారులో ఏర్పాటు చేస్తున్న గ్రీన్ ఇండస్ట్రియల్ పార్కు ప్రారంభోత్సవ ఏర్పాట్లను బుధవారం వారు పరిశీలించారు.

వరంగల్, అక్టోబర్ 30: తెలంగాణ రాష్ట్రం ఏర్పడిన తర్వాతే రాష్ట్ర ముఖ్యమంత్రి కేసీఆర్ పోలీసు వ్యవస్థకు పదును పెట్టారని, దీంతో పోలీసులకు ప్రజల్లో గౌరవ మర్యాదలు, కీర్తి ప్రతిష్టలు పెరిగాయని రాష్ట్ర పంచాయతీరాజ్ శాఖ మంత్రి ఎర్రబెల్లి దయాకర్‌రావు అన్నారు. వరంగల్ కమిషనరేట్ పరిధిలోని ఆత్మకూరులో నూతనంగా నిర్మించిన మోడల్ పోలీస్‌స్టేషన్‌ను బుధవారం ఆయన ప్రారంభించారు.

కరీంనగర్ : తెలంగాణ రాష్ట్రానికే మణిహారంగా కరీంనగర్ మానేరు వాగుపై కేబుల్ బ్రిడ్జి నిర్మాణమతోందని రాష్ట్ర బీసీ సంక్షేమ, పౌరసరఫరాల శాఖ మంత్రి గంగుల కమలాకర్ అన్నారు. బుధవారం తీగల వంతెన నిర్మాణ పనుల పురోగతిని పరిశీలించారు. ఈ సందర్భంగా మంత్రి గంగుల కమలాకర్ మాట్లాడుతూ 220 మీటర్ల ఎత్తులో రెండు పైలాన్ పిల్లర్లతో నాలుగు వరుసల రహదారుల నిర్మాణాలు శరవేగంతో అత్యంత అద్భుతంగా జరుగుతున్నాయన్నారు.

హైదరాబాద్, అక్టోబర్ 30: దేశంలో 24.84లక్షల మంది పోలీసు బలగాలు ఉండాలి. కాని 19.41 లక్షల మంది పోలీసులు ఉన్నారు. ఇందులో 12.36 లక్షల మంది సివిల్ పోలీసువలు, 2.34 లక్షల మంది జిల్లా ఆర్మ్‌డ్ పోలీసులు, 4.71 లక్షల మంది రాష్ట్ర ఆర్మ్‌డ్ పోలీసులు ఉన్నారు. దేశం మొత్తంపైన ఉత్తర ప్రదేశ్ రాష్ట్రం 2.85 లక్షల మంది పోలీసులతో అగ్రస్థానంలో ఉంది. రెండవ స్థానంలో 2.14లక్షల మంది పోలీసు బలగాలతో మహారాష్ట్ర ఉంది.