హైదరాబాద్, అక్టోబర్ 30: ప్రభుత్వం తమ డిమాండ్లను అంగీకరించేంత వరకూ సమ్మె ఆగే ప్రసక్తే లేదని ఆర్టీసీ సంయుక్త కార్యాచరణ కమిటీ (జేఏసీ) స్పష్టం చేసింది. సర్కారు దిగివచ్చే వరకూ పోరాటం కొనసాగుతుందని ప్రకటించింది. ‘ఆర్టీసీ పరిరక్షణ’ పేరుతో బుధవారం సరూర్‌నగర్ స్టేడియం లో జరిగిన ‘సకలజన భేరి’ సభ విజయవంతం అయింది. జేఏసీ నేతలు ఊహించిన దానికంటే ఎక్కువ మంది ఈ సభకు హాజరయ్యారు.

హైదరాబాద్: ఆర్టీసీ సమ్మె కారణంగా ఇప్పటివరకు 15మంది కార్మికులు ఆత్మహత్య చేసుకున్నారని, ఈ ఆత్మహత్యలకు ప్రభుత్వమే బాధ్యత వహించాలని సీపీఐ నాయకుడు చాడా వెంకటరెడ్డి అన్నారు. ఆయన సరూర్‌నగర్‌లో నిర్వహిస్తున్న ఆర్టీసీ ‘సకల జనభేరీ’ సభలో మాట్లాడారు. ఆర్టీసీ సమ్మె విషయంలో కేంద్రం జోక్యం చేసుకోవాలని డిమాండ్ చేశారు. స్వీయ క్రమశిక్షణ పేరుతో 48వేల మంది కార్మికులను మనోవేదనకు గురిచేస్తున్నారని ఆయన విమర్శించారు.

హైదరాబాద్: హైకోర్టుకు రాష్ట్ర ప్రభుత్వం సమర్పించిన లెక్కలు బోగస్సు అని ఆర్టీసీ జేఏసీ కన్వీనర్ అశ్వత్థామరెడ్డి ఆరోపించారు. ఆర్టీసీ సమ్మెపై హైకోర్టులో మంగళవారం విచారణ వాయిదా పడిన తర్వాత ఆశ్వత్తామరెడ్డి మీడియాతో మాట్లాడుతూ, హైకోర్టును కూడా రాష్ట్ర ప్రభుత్వం తప్పుదోవ పట్టించేలా వ్యవహరిస్తుందని విమర్శించారు. ఉమ్మడి రాష్ట్రంలో 2009 నుంచి 2014 వరకు ఆర్టీసీకి రూ.1099 కోట్లు బకాయి పడిందన్నారు.

హైదరాబాద్, అక్టోబర్ 29: ఆర్టీసీ జాయింట్ యాక్షన్ కమిటీ ఆధ్వర్యంలో బుధవారం సరూర్‌నగర్ స్టేడియంలో సకల జనుల సమరభేరీ జరగనుంది. సాయంత్రం 3 గంటల నుంచి 6 గంటల వరకు సభ జరుగనుందని ఆర్టీసీ జేఏసీ కన్వీనర్ అశ్వత్థామరెడ్డి తెలిపారు. ఈ సభకు అఖిల పక్ష నేతలతో పాటు ప్రజా సంఘాలను, ఉద్యోగ, ఉపాధ్యాయ, కార్మిక సంఘాల ప్రతినిధులను ఆహ్వానించినట్టు ఆయన తెలిపారు.