ఖమ్మం: పాఠశాలకు వెళ్లేందుకు రోడ్డు దాటుతున్న ఆరేళ్ల బాలికను వ్యాన్ రూపంలో మృత్యువు కాటేసింది. చండ్రుఒండ మండలం దామరచర్ల ప్రాథమిక పాఠశాల సమీపంలో గురువారం ఉదయం ఈ దారుణం జరిగింది. వేగంగా వస్తున్న వ్యాన్ ఢీకొనడంతో, హేమశ్రీ అనే ఆరేళ్ల చిన్నారి అక్కడికక్కడే మరణించింది.

జగిత్యాల: రాష్ట్ర ముఖ్యమంత్రి కెసిఆర్‌ను చంపుతామని మంగళవారం అర్ధరాత్రి కరీంనగర్ జిల్లా కోరుట్ల ఎమ్మెల్యే విద్యాసాగర్‌రావు ఫోన్‌కు కాల్ వచ్చింది. ఈ సమయంలో కోరుట్ల ఎస్సై బాబూరావు ఎమ్మెల్యే పక్కనే ఉండడంతో ఆ ఫోన్‌ను ఎస్సైకి ఇచ్చారు. దీంతో ఎస్సై ఆ ఫోన్‌లోనే మాటలను పొడిగించే ప్రయత్నం చేయడంతో పరుషపదజాలంతో దూషించడంతో ఎస్సై ఫోన్ కట్ చేశారు.

హైదరాబాద్: రాజకీయ కక్షతోనే తన కుమారుడిపై సిబిఐ కేసు నమోదు చేసిందని మాజీ మంత్రి, సిబిఐ మాజీ డైరెక్టర్, టిఆర్‌ఎస్ నేత కె.విజయరామారావు ఆరోపించారు. త్వరలోనే వాస్తవాలను కోర్టు ముందుంచి తమ నిర్దోషిత్వాన్ని నిరూపించుకుంటామని ఆయన తెలిపారు. బుధవారం నాడిక్కడ ఆయన విలేఖరులతో మాట్లాడుతూ తన కుమారుడిపై సిబిఐ కేసు నమోదు చేసిన మాట వాస్తవమేనని అన్నారు.

హైదరాబాద్: హైదరాబాద్ సెంట్రల్ యూనివర్శిటీలో రీసెర్చి స్కాలర్ వేముల రోహిత్ ఆత్మహత్య, వర్శిటీలో పరిణామాలపై కేంద్రం నియమించిన ఏకసభ్య కమిషన్ జస్టిస్ అశోక్ కుమార్ రూపన్‌వాలా బుధవారం నాంపల్లి గోల్డెన్ థ్రెషోల్డ్ దూర విద్యా కేంద్రం (సిడివిఎల్)లో విచారణ కొనసాగించారు. బుధవారం ఉదయం చీఫ్ ప్రోక్టార్, చీఫ్ వార్డెన్, వార్డెన్‌లు, డీన్, సమానావకాశాల సెల్ అధికారుల నుండి వాంగ్మూలాలను నమోదు చేశారు.