హైదరాబాద్, మే 15: జడ్పీటీసీ, ఎంపీటీసీ ఎన్నికలకు సంబంధించిన ఓట్ల లెక్కింపు ఈ నెల 27 న నిర్వహిస్తామని తెలంగాణ రాష్ట్ర ఎన్నికల కమిషనర్ వి. నాగిరెడ్డి తెలిపారు. ఎన్నికల కమిషన్ కార్యాలయంలో బుధవారం ఆయన మీడియా ప్రతినిధుల సమావేశంలో మాట్లాడుతూ, రాష్ట్ర వ్యాప్తంగా మూడు విడతల్లో ఎన్నికలు విజయవంతంగా పూర్తయ్యాయని చెప్పారు. ఎన్నికలు చాలా ప్రశాంతంగా జరిగాయని, అల్లర్ల కారణంగా ఎక్కడ కూడా రీపోల్ జరగలేదన్నారు.

హైదరాబాద్, మే 15: టీవీ 9 మాజీ సీఈవో రవిప్రకాశ్, నటుడు శివాజీపై సైబరాబాద్ పోలీసులు లుక్‌అవుట్‌కు పోలీసులు రంగ సిద్ధం చేస్తున్నారు. వారు విదేశాలకు పారిపోకుండా ఉండడానికి దేశంలోని అన్ని విమానాశ్రయాల్లో అలర్ట్‌ను ప్రకటించనున్నారు.

హైదరాబాద్, మే 14: అంబేద్కర్ విగ్రహాన్ని కూల్చిన చోటనే పునర్ ప్రతిష్టించాలని అఖిల పక్ష నాయకులు గవర్నర్ ఇఎస్‌ఎల్ నరసింహన్‌ను కలిసి డిమాండ్ చేశారు. హైదరాబాద్ పంజాగుట్ట వద్ద అంబేద్కర్ విగ్రహం కూల్చివేతపై ప్రభుత్వం స్పందించడం లేదని ఆరోపిస్తూ టీపీసీసీ అధ్యక్షుడు ఉత్తమ్‌కుమార్‌రెడ్డి నేతృత్వంలో అఖిల పక్ష నాయకులు మంగళవారం రాజ్‌భవన్‌కు వెళ్లి గవర్నర్‌కు వినతి పత్రం సమర్పించారు.

హైదరాబాద్, మే 14: విదేశీ యాత్రికులకు ఆకర్షణీయమైన నగరంగా హైదరాబాద్ నిలిచింది. హైదరాబాద్‌కు వచ్చే విదేశీ యాత్రికుల సంఖ్య గణనీయంగా పెరుగుతోంది. సాలీనా 12 నుంచి 13 శాతం మేరకు యాత్రికుల సంఖ్య వృద్ధి చెందుతోంది. తెలంగాణ రాష్ట్రం ఏర్పడిన తర్వాత యాత్రికుల సంఖ్య నాలుగు రెట్లు పెరిగినట్లు తెలంగాణ పర్యాటక శాఖ అంచనా వేసింది. 2018లోనే 3.18 లక్షల మంది విదేశీ యాత్రికులు హైదరాబాద్‌ను సందర్శించారు.