హైదరాబాద్, మే 13: పదో తరగతి పరీక్ష ఫలితాల్లో గురుకుల పాఠశాలలు సంచలనం సృష్టించాయి. తెలంగాణ బీసీ సంక్షేమ గురుకుల పాఠశాలల విద్యార్థులు టెన్త్‌లో 98.78 శాతం ఉత్తీర్ణులయ్యారు. ప్రభుత్వ పాఠశాలల్లో విద్యార్థులు 84.38 శాతం పాసయ్యారు. 498 పాఠశాలల నుండి 24,545 మంది హాజరుకాగా వారిలో 20,711 మంది పాసయ్యారు.

హైదరాబాద్, మే 13: రాష్ట్రంలో ప్రజలు ఎదుర్కొంటున్న సమస్యలను పరిష్కరించకుండా దేశంలో వివిధ రాష్ట్రాల్లో ముఖ్యమంత్రి కేసీఆర్ పర్యటనలు చేయడం ఏమిటని టీడీపీ పొలిట్ బ్యూరో సభ్యుడు రావుల చంద్రశేఖరరెడ్డి నిలదీశారు. సోమవారం ఎన్టీఆర్ ట్రస్టు భవనంలో పార్టీ ప్రధాన కార్యదర్శి బుచ్చిలింగంతో కలసి ఆయన మీడియా సమావేశంలో ఆయన మాట్లాడుతూ ప్రజల గోడుపట్టించుకోకుండా సీఎం విహార యాత్రలు చేస్తున్నారని ఆయన ధ్వజమెత్తారు.

హైదరాబాద్, మే 13: ఇంటర్మీడియట్ లొల్లితో టెన్త్ ఫలితాల శాతం విపరీతంగా పెరగడం కార్పొరేట్ కాలేజీల పంట పండినట్టయింది. ఈ ఏడాది 5,06,202 మంది విద్యార్థులు పరీక్షలకు హాజరుకాగా, వారిలో 4,67,850 మంది పాసయ్యారు. గత ఎడాది పాసైన వారి సంఖ్య కేవలం 4,20,365 మాత్రమే, అంతకు ముందు సంవత్సరం పరీక్ష పాసైన వారు కేవలం 4 లక్షలు మాత్రమే. ఉత్తీర్ణత విపరీతంగా పెరగడం ప్రైవేటు కార్పొరేట్ కాలేజీలకు కలిసొచ్చింది.

హైదరాబాద్: కాంగ్రెస్ పార్టీ అధిష్టానం ఎమ్మెల్సీ అభ్యర్థులకు ఆమోదముద్ర వేసింది. మూడు ఎమ్మెల్సీ స్థానాలకు అభ్యర్థులను కాంగ్రెస్ ఖరారు చేసింది. నల్గొండ స్థానిక సంస్థల నియోజకవర్గం నుంచి ఎమ్మెల్యే కోమటిరెడ్డి రాజగోపాల్ రెడ్డి సతీమణి లక్ష్మీరెడ్డి, వరంగల్‌కు ఇనుగుల వెంకట్రామిరెడ్డి, రంగారెడ్డి స్థానానికి ఉదయ మోహన్‌రెడ్డి సోమవారంనాడు ఖరారు చేసింది.