హైదరాబాద్/ఘట్‌కేసర్, జనవరి 6: ఐటీ అంటే ఇన్ఫ్‌ర్మేషన్ టెక్నాలజీ కాదని, ఇకనుంచి ఐటీ అంటే ఇంటెలిజెన్స్ టెక్నాలజీగా పునర్నిర్వచించాల్సిన సమయం ఆసన్నమైందని ఐటీ, పరిశ్రమల శాఖ మంత్రి కల్వకుంట్ల తారక రామారావు అన్నారు. ఇరవై సంవత్సరాలుగా ఐటీని ఇన్ఫర్మేషన్ టెక్నాలజీగా పరిగణిస్తున్నారని, కానీ ఇప్పుడా పరిస్థితి మారిందని, ఐటీ అంటే ఇంటెలిజెన్స్ టెక్నాలజీగా పరిగణించాల్సిన ఆవశ్యకత ఏర్పడిందన్నారు.

హైదరాబాద్, జనవరి 5: దేశంలో రోజురోజుకు మతోన్మాద శక్తుల ఆగడాలు పెరిగిపోతున్నాయని, వీటిని అణచివేయడానికి కేంద్రం ప్రభుత్వం ఘోరంగా విఫలం చెందిందని అఖిల భారత శాంతి సంఘం ఆందోళన వ్యక్తం చేసింది. మూడురోజుల పాటు చత్తీస్‌గఢ్ రాజధాని రాయపూర్‌లో జరుగుతున్న అఖిల భారత శాంతి సంఘం జాతీయ మహాసభలు జరిగాయి.

హైదరాబాద్, జనవరి 5: తెలంగాణ టీడీపీ మహిళా విభాగం పటిష్టతకు కృషి చేస్తానని ఆ పార్టీ మహిళా అధ్యక్షురాలు జ్యోత్స్న ప్రకటించారు. పార్టీ తనను తెలుగుదేశం టీడీపీ మహిళా విభాగానికి నియమించినందుకు అధ్యక్షుడు చంద్రబాబుకు ఆమె కృతజ్ఞతలు చెప్పారు. రానున్న మున్సిపల్ ఎన్నికల్లో పార్టీ నుంచి పోటీ చేసే అభ్యర్థులకు మద్దతుగా ఎన్నికల ప్రచారం చేస్తామన్నారు.

హైదరాబాద్, జనవరి 5: టీడీపీ సీనియర్ నాయకుడు, మాజీ మంత్రి బొజ్జల గోపాలకృష్ణారెడ్డిని ముఖ్యమంత్రి కల్వకుంట్ల చంద్రశేఖర్‌రావు ఆదివారం పరామర్శించారు. ఇటీవల అస్వస్థతకు గురైన బొజ్జల గోపాలకృష్ణారెడ్డి హైదరాబాద్‌లో ఎమ్మెల్యే కాలనీలోని తన నివాసంలో విశ్రాంతి తీసుకుంటున్నారు. బొజ్జలకు మంచి మిత్రుడైన సీఎం కేసీఆర్ స్వయంగా ఆయన ఇంటికి వెళ్లి ఆరోగ్య పరిస్థితిపై ఆరా తీశారు.