హైదరాబాద్, జనవరి 7: వచ్చే మున్సిపల్ ఎన్నికల్లో కాంగ్రెస్ పార్టీ తరఫున కామన్ మేనిఫెస్టో తయారు చేయాలని నిర్ణయించినట్టు టీపీసీసీ అధ్యక్షుడు ఉత్తమ్‌కుమార్ రెడ్డి తెలిపారు. అయితే స్థానిక అంశాల వారీ విధిగా లోకల్ మేనిఫెస్టోను రూపొందించుకోవల్సిందిగా ఆయన పార్టీ నేతలను ఆదేశించారు. మున్సిపల్ ఎన్నికల వ్యూహరచనకు బుధవారం నాడు అన్ని మున్సిపాల్టీల్లో స్థానిక సమావేశాలను ఏర్పాటు చేసుకోవాలని ఆయన సూచించారు.

హైదరాబాద్, జనవరి 7: భారత్‌లో ఉన్న ప్రజలందరూ హిందువులే అని ఆరెస్సెస్ చీఫ్ మోహన్ భగవత్ చేసిన వ్యాఖ్యలపై తక్షణమే కేసు నమోదు చేయాలని పీసీసీ మాజీ అధ్యక్షుడు, మాజీ ఎంపీ వీ హనుమంతరావు పోలీసులను డిమాండ్ చేశారు. మంగళవారం ఆయన ఎల్‌బీ నగర్ పీఎస్‌కు వెళ్లి పోలీసు అధికారులతో చర్చించారు. ఈ సందర్భంగా ఆయన మాట్లాడుతూ ప్రధాని మోదీ చౌకీదార్ చోర్ అన్నందుకు రాహుల్ గాంధీపై పోలీసులు కేసులు పెట్టారన్నారు.

హైదరాబాద్: రాష్ట్ర ఎన్నికల కమిషన్ ఇటీవల ప్రకటించిన షెడ్యూల్ ప్రకారమే ఎన్నికలు నిర్వహిస్తామని రాష్ట్ర ఎన్నికల కమిషనర్ వి. నాగిరెడ్డి స్పష్టం చేశారు. ఎన్నికల కమిషన్ కార్యాలయంలో మంగళవారం రాత్రి మీడియా ప్రతినిధులతో మాట్లాడుతూ, మంగళవారం సాయంత్రం హైకోర్టు ఇచ్చిన ఆదేశాలను దృష్టిలో ఉంచుకుని తాజాగా ఎన్నికల నోటిఫికేషన్ జారీ చేశామన్నారు. ఈ నోటిఫికేషన్‌లో కరీంనగర్ మున్సిపల్ కార్పొరేషన్‌ను తొలగించారు.

కరీంనగర్ టౌన్, జనవరి 6: పౌరసత్వ సవరణ చట్టం అమలును పార్లమెంటులో వ్యతిరేకించిన టీఆర్‌ఎస్ ఎంపీలు రాష్ట్రంలో కొనసాగుతున్న నిరసనలకు మద్దతు తెలపకపోవటం వెనుక ఆంతర్యమేంటని? సీపీఐ రాష్ట్ర కార్యదర్శి చాడ వెంకటరెడ్డి ప్రశ్నించారు. సోమవారం నగరంలోని బద్ధం ఎల్లారెడ్డి భవన్‌లో నిర్వహించిన విలేఖరుల సమావేశంలో ఆయన మాట్లాడుతూ సీఏఏపై కేసీఆర్ తన వైఖరి స్పష్టం చేయాలని డిమాండ్ చేశారు.