హైదరాబాద్, సెప్టెంబర్ 24: మానవ అక్రమ రవాణా కేసులో అరెస్టయిన కాంగ్రెస్ నేత, మాజీ ఎమ్మెల్యే తూర్పు జయప్రకాష్‌రెడ్డి కి సికింద్రాబాద్ న్యాయస్థానం షరతులతో కూడిన బెయిల్ మంజూరు చేసింది, అనంతరం బెయిల్ ప్రక్రియను ఆయన న్యాయవాదులు పూర్తి చేయడంతో జగ్గారెడ్డి చంచల్‌గూడ జైలు నుండి విడుదలయ్యారు. రూ. 50 వేల చొప్పున రెండు పూచీకత్తులతో న్యాయమూర్తి ఆయనకు బెయిల్ మంజూరు చేశారు.

హైదరాబాద్, సెప్టెంబర్ 24: ఆంధ్రప్రదేశ్ ముఖ్యమంత్రి ఎన్ చంద్రబాబునాయుడు, ఆయన తనయుడు లోకేష్‌ల ఆస్తులపై సీబీఐ విచారణకు ఆదేశించాలని కోరుతూ దాఖలైన ప్రజావ్యాజ్య పిటీషన్‌ను హైకోర్టు స్వీకరించింది.

హైదరాబాద్, సెప్టెంబర్ 24: పరిశోధన రంగంలో మరింత నాణ్యతా ప్రమాణాలను పెంచేందుకు మలేషియాలోని పెటాలింగ్ జయలోని లింకన్ యూనివర్శిటీ కాలేజీతో ఉస్మానియా యూనివర్శిటీ అవగాహనా ఒప్పందం కుదుర్చుకుంది. పిహెచ్‌డీ సూపర్‌వైజర్లకు, రీసెర్చి స్కాలర్లకు, అంతర్జాతీయ సదస్సుల నిర్వహణకు అంతర్జాతీయ ప్రమాణాలతో కూడిన సహకారాన్ని లింకన్ యూనివర్శిటీ అందించనుంది.

హైదరాబాద్, సెప్టెంబర్ 24: తెలంగాణలో 2018-19 సంవత్సరానికి రైతుల నుండి కందులు, పల్లీ, సోయాబీన్ కొనుగోలుకోసం మార్క్‌ఫెడ్‌ను నోడల్ ఏజన్సీగా నియమించారు. రైతులకు కనీస మద్దతు ధర లభించేందుకు వీలుగా మార్క్‌ఫెడ్‌ను రంగంలోకి దించారు. వ్యాపారులు తక్కువ ధరకు రైతుల నుండి కందులు, పల్లీ, సోయాబీన్ కొనుగోలు చేయకుండా నివారించేందుకు ప్రభుత్వ నిర్ణయం తోడ్పడుతుంది.