హైదరాబాద్, సెప్టెంబర్ 22: కేంద్ర ప్రభుత్వం అత్యవసరంగా ఏ లక్ష్యంతో ట్రిపుల్ తలాక్ ఆర్డినెన్స్‌ను తీసుకువచ్చిందో చెప్పాలని తెలుగుదేశం పార్టీ మైనార్టీ సెల్ అధ్యక్షుడు ఎండీ తాజుద్దీన్ ప్రశ్నించారు. రెండు రోజుల క్రితం ఆదరబాదరాగా ఆ ఆర్డినెన్స్‌ను తీసుకురావడం వెనుక ఓట్ల వేట లేదా అని ప్రశ్నించారు.

హైదరాబాద్, సెప్టెంబర్ 22: విజయమే లక్ష్యంగా బిజెపి ఇంటింటి ప్రచారం చేస్తుందని బీజేపీ శాసనసభాపక్ష మాజీ నేత కిషన్‌రెడ్డి పేర్కొన్నారు. శనివారం నాడు ఆయన పార్టీ కార్యాలయంలో పాత్రికేయులతో మాట్లాడుతూ ఇంటింటికీ బీజేపీ కార్యకర్తలు వెళ్లి కేంద్ర ప్రభుత్వం చేపట్టిన పథకాలు, దేశంలో నరేంద్రమోదీ పాలన గురించి వివరిస్తారని అన్నారు.

బాసర: ఆదిలాబాద్ జిల్లా బాసర ట్రిపుల్ ఐటీలో అనూష అనే విద్యార్థిని ఆత్మహత్యకు పాల్పడింది. ఇంజనీరింగ్ రెండవ సంవత్సరం చదువుతుంది. తన చావుకు ఎవరూ కారణం కాదని వెల్లడించింది. అనూష స్వస్థలం సిద్ధిపేట జిల్లా మందపల్లిగా గుర్తించారు.

హైదరాబాద్: దేశంలోనే అతి పెద్ద కుంభకోణం రాఫెల్ విమానాల కొనుగోలులో జరిగిందని కేంద్ర మాజీ మంత్రి జైపాల్‌రెడ్డి అన్నారు. ఆయన గాంధీ భవన్‌లో మీడియాతో మాట్లాడుతూ ఫ్రాన్స్ అధ్యక్షుడు చేసిన వ్యాఖ్యలతో కుంభకోణం జరిగినట్లు వెల్లడైందని అన్నారు. దేశ ప్రజలకు అబద్ధాలు చెప్పినందుకు కేంద్ర మంత్రులు నిర్మలాసీతారామన్, ఆర్థిక మంత్రి అరుణ్‌జైట్లీ రాజీనామా చేయాలని అన్నారు.