కరీంనగర్: కరీంనగర్‌లోని టెలిఫోన్ భవన్‌లోకి ఎలుగుబంటు ప్రత్యక్షమవ్వటంతో స్థానికులు భయంతో పరుగులు పెట్టారు. సిబ్బంది స్థానిక అటవీ శాఖ అధికారులకు సమాచారం అందించారు. స్థానికుల సమాచారంతో అటవీ శాఖ అధికారులు ఎలుగుబంటును పట్టుకోవటానికి తీవ్రంగా ప్రయత్నించారు.

మహబూబ్‌నగర్, సెప్టెంబర్ 19: పంచాయతీ రాజ్ శాఖ మంత్రి జూపల్లి కృష్ణారావుకు తెరాస ప్రచారంలో చుక్కెదురైంది. బుధవారం కల్వకుర్తి నియోజకవర్గం మార్చాల గ్రామంలో కల్వకుర్తి తెరాస అభ్యర్థి మాజీ ఎమ్మెల్యే జైపాల్‌యాదవ్ ప్రచారానికి మంత్రి జూపల్లి కృష్ణారావు హాజరయ్యారు. ప్రచారంలో భాగంగా మార్చల గ్రామంలో ప్రచార సభను నిర్వహించారు. వివిధ పార్టీలకు సంబందించిన కార్యకర్తలు మంత్రి సమక్షంలో తెరాసలో చేరారు.

మంచిర్యాల, సెప్టెంబర్ 19: మంచిర్యాల జిల్లా చెన్నూర్ నియోజకవర్గ టీఆర్‌ఎస్ అభ్యర్థుల ఎంపిక విషయంలో జరిగిన సంఘటనల్లో రేగుంట గట్టయ్య మృతితో ఇందారం గ్రామంలో విషాదం అలుముకుంది. ఉద్రిక్తత నడుమ గట్టయ్య అంతిమ వీడ్కోలు బుధవారం జరిగింది.

హైదరాబాద్, సెప్టెంబర్ 19: రాష్ట్రంలో నీటిపారుదల ప్రాజెక్టులకు భూముల సేకరణకు సంబంధించి ఎలాంటి ఒడిదుడుకులు ఉండకూడదన్న ఉద్దేశంతో ప్రతి జిల్లాకు ల్యాండ్ అక్విజేషన్ యూనిట్లకు డిప్యూటీ కలెక్టర్లను ప్రభుత్వం నియమిస్తోంది. ఐ అండ్ క్యాడ్ శాఖకు వీరు సహాయంగా ఉంటారు. దాదాపు అన్ని జిల్లాలకు డిప్యూటీ కలెక్టర్లను నియమించారు.