ఖమ్మం, డిసెంబర్ 30: భద్రాద్రి కొత్తగూడెం జిల్లా దుమ్ముగూడెం వద్ద 3,500కోట్ల రూపాయలతో బ్యారేజి నిర్మాణానికి ప్రభుత్వం ప్రతిపాదనలు సిద్ధం చేసిందని రాష్ట్ర రవాణా శాఖామంత్రి పువ్వాడ అజయ్‌కుమార్ తెలిపారు. సోమవారం పినపాక నియోజకవర్గ పరిధిలో విస్తృతంగా పర్యటించిన ఆయన బహిరంగ సభలో మాట్లాడుతూ సీతారామ ప్రాజెక్టు ద్వారా ఖమ్మం, కొత్తగూడెం జిల్లాలతో పాటు ఇతర జిల్లాలకు కూడా లబ్ధి జరగనున్నదన్నారు.

హైదరాబాద్, డిసెంబర్ 30: ప్రధాని నరేంద్రమోదీ దూకుడు తట్టుకోలేక పౌరసత్వ సవరణ చట్టంపై పార్టీలు తప్పుడు ప్రచారం చేస్తున్నాయని బీజేపీ రాష్ట్ర అధ్యక్షుడు డాక్టర్ కే లక్ష్మణ్ మండిపడ్డారు. పౌరసత్వ సవరణ చట్టం పార్లమెంటు ఆమోదం పొందడంతో పలు రాజకీయ పార్టీలకు వేరే అంశాలు లేక అనవసర రాద్దాంతం చేస్తున్నాయని విమర్శించారు.

హైదరాబాద్, డిసెంబర్ 30: ఏపీలో మూడు రాజధానుల ప్రకటనపై ఇంకా రగడ కొనసాగుతునే ఉందని, ఏపీలో పరిస్థితులకు ఇద్దరు నేతలూ కారణమేనని పేర్కొంటూ సీఎం జగన్మోహన్‌రెడ్డి, మాజీ సీఎం చంద్రబాబు ఇద్దరూ ఒకే తానుముక్కలని సీపీఐ జాతీయ కార్యదర్శి డాక్టర్ నారాయణ పేర్కొన్నారు.

హైదరాబాద్, డిసెంబర్ 30: ఇంటర్మీడియట్ ఫస్టియర్, సెకండియర్ పరీక్షల నిర్వహణకు బోర్డు భారీ ఏర్పాట్లు చేసింది. వచ్చే ఫిబ్రవరి 1 నుండి ప్రాక్టికల్ పరీక్షలకు, మార్చి 4వ తేదీ నుండి థియిరీ పరీక్షలకు ఏర్పాట్లు చేసినట్టు బోర్డు కార్యదర్శి సయ్యద్ ఒమర్ జలీల్ తెలిపారు. పరీక్షలకు 9.65 లక్షల మంది ఫీజులు చెల్లించారని, ఈ సంఖ్య మొత్తం విద్యార్ధులతో పోల్చుకుంటే 97.93 శాతం ఉందని ఆయన చెప్పారు.