లావేరు, ఆగస్టు 2: జిల్లాలో భూగర్భజలాలు అభివృద్ధి చేసేలా రైతులు కృషి చేయాలని, అప్పుడే మానవునికి మనుగడ ఉంటుందని కలెక్టర్ పి.లక్ష్మీనృసింహం పిలుపునిచ్చారు. మండలంలో తామాడ పంచాయతీ పరిధిలోని కొత్తరౌతుపేట గ్రామంలో చంద్రన్న చెరువు పనులు పరిశీలించారు. నీరు-చెట్టు పథకంలో భాగంగా రూ.9.90లక్షలనిధులతో చేపట్టిన చెరువు అభివృద్ధి పనులను ఆయన పరిశీలించారు.

శ్రీకాకుళం, ఆగస్టు 2: పిల్లలకు అక్షరాలు నేర్పించి ఉత్తమ పౌరులుగా తీర్చిదిద్దాల్సిన ఉపాధ్యాయులు విద్యాయేతర విధులు నిర్వర్తించరాదంటూ ఇటీవల సుప్రీంకోర్టు ఇచ్చిన హుకుం మేరకు జిల్లాలో ఐదుగురు ఉపాధ్యాయులు ప్రజాప్రతినిధులకు వ్యక్తిగత కార్యదర్శులుగా ఉండరాదంటూ కలెక్టర్ డాక్టర్ పి.లక్ష్మీనృసింహం ఆదేశాలు జారీ చేశారు.

శ్రీకాకుళం, ఆగస్టు 2: శాలిహుండాంను ప్రత్యేక బౌద్ధ రామంగా తీర్చిదిద్దేందుకు కృషి చేస్తామని రాష్ట్ర శాసన సభ ప్రివిలేజెస్ కమిటీ అధ్యక్షుడు గొల్లపల్లి సూర్యారావు అన్నారు. జిల్లా పర్యటనకు మంగళవారం విచ్చేసిన కమిటీ గార మండలంలో శాలిహుండం బౌద్ధారామాన్ని, మ్యూజియం, శ్రీకూర్మం, అరసవల్లి దేవస్థానాలను దర్శించుకున్నారు. ఈ సందర్భంగా శాలిహుండంను నిశితంగా పరిశీలించారు.

ఆమదాలవలస, ఆగస్టు 2: రాష్ట్రానికి ప్రత్యేక హోదా కోరుతూ వైసిపి రాష్ట్ర వ్యాప్తంగా నిర్వహించిన బంద్ పిలుపుమేరకు మంగళవారం నిర్వహించిన పట్టణ బంద్ కార్యక్రమంలో రాష్ట్ర మాజీమంత్రి తమ్మినేని సీతారాంను స్థానిక పోలీసులు అరెస్ట్ చేసి సాయంత్రం విడుదల చేశారు.