మంత్రాలయం, ఆగస్టు 2: మంత్రాలయంలో ఈ నెల 17 నుండి శ్రీ రాఘవేంద్రస్వామి 345 ఆరాధనోత్సవాల సందర్భంగా మఠం పీఠాధిపతి శ్రీ సుభుదేంద్ర తీర్థులు మంగళవారం సాయంత్రం ప్రధాన వీధులను, మఠం నిర్మాణ పనులను పరిశీలించారు. అలాగే రాఘవేంద్ర కూడలిలో ఉన్న ఆర్చి మరమ్మతు పనులను, ఆర్టీసీ బస్టాండ్ సమీపంలో జరుగుతున్న రోడ్డు, కాలువ పనులను పరిశీలించి పనులు త్వరగా పూర్తి చేయాలని అధికారులకు సూచించారు.

కొత్తగూడెం, ఆగస్టు 2: ప్రజాఉద్యమాలపై ముఖ్యమంత్రి కెసిఆర్ ఉక్కుపాదం మోపుతున్నారని, పోడు-కూడు కోసం ఎన్ని నిర్బంధాలనైనా ఎదుర్కొంటామని సిపిఎం రాష్టన్రేత కాసాని ఐలయ్య అన్నారు. సిపిఎం ఆధ్వర్యంలో పోడు సాగుదారులను అక్రమంగా అరెస్ట్‌లు చేస్తూ నిర్బంధాలకు గురి చేస్తున్నారని నిరసిస్తూ మంగళవారం భారీ ప్రదర్శనను నిర్వహించి ఆర్డీఓ కార్యాలయం ఎదుట ధర్నా చేశారు.

పాల్వంచ, ఆగస్టు 2: తుఫాన్ కారణంగా చీరు వర్షాలకు పాల్వంచ మండల పరిధిలోని కినె్నరసాని రిజర్వాయర్ నీటితో కళకళలాడుతూ కనిపిస్తుంది. దీంతో పర్యాటకులు కినె్నరసాని రిజర్వాయర్‌ను, జింకలపార్కు, కాటేజీలను వీక్షించేందుకు భారీ సంఖ్యలో తరలి వస్తున్నారు. దీంతో కినె్నరసాని పర్యాటకులతో కిటకిటలాడుతూ కనిపించింది.

ఖమ్మం(ఖిల్లా), ఆగస్టు 2: పోడు సాగుదారుల సమస్యలను శాస్ర్తియంగా పరిష్కరించాలని, పోడు సమస్యలపై తమ పార్టీ ఆధ్వర్యంలో రాష్ట్ర వ్యాప్త ఆందోళనను చేపట్టినట్లు సిపిఐ(ఎంఎల్)న్యూడెమోక్రసి జిల్లా కార్యదర్శి పోటు రంగారావు వెల్లడించారు.